MAZMUR 69:35 - Tanou Moonsoi Timugon

³⁵ Omporo' noyo i Aki Kapuuno', akau limbowon am tana', raat am ngaangai' ilo ondo' maayag ra ralalom nano!

MAZMUR 69:35 ပူးပေါင်းရင်းမြစ်များ

JISAYA 44:26

Kaa' bulintok ra ulipon Kuno manala', paat ra aku manusub ra ulipon Kuno mapabala' ra inatangan Kuno, baalon Ku panalaan am pangatangan no. Mindagu Aku ra Jirusalim no ayanin saguli' am bandar-bandar ru Jiuda baalon saguli', Bandar-bandar no tumirong intor ra napuutan.

MAZMUR 51:18

Kalo masaga' Kou ra taak simbalui ra pinataak; amon mapataak aku ra taak simbalui koson mapabansuk ra guang Muno, Okou pana kalo maansukan.

JISAYA 46:13

Painggaaron Ku orou papalabusan, pamayagan ondo' pataakon Kuno kalo boo kulawon. Bayagon Ku Jirusalim, am manaak ra urumat ri Israil.”

OBAJA 1:17

“Kaa' giu' ra rasawat ru Bulur Sion, mokoondo' kukula' ngaulun ondo' maayag, am bulur no masauk ra intok ondo' matulai. Papag ri Jakub momolonggom ra tana' tinungkus nilo.

PINAINTALANG 14:1

Ilai' ku boo, am makito Anak Domba no minigor ra rasawat ru Bulur Sion. Nabaya' Riso no mokoondo' 144,000 ngaulun ondo' rabas nilono tinatanduan ra inggalan Nano am inggalan ru Ama' Nano.

JISAYA 14:32

Atan kia pataamon takau ra ulun-ulun sinusub ru ulun ru Palistin? Balain takau ra Tuhan noyo napabigor ra Sion, am ulun Nano naimbolo' makaalap ra sindungan ra giu'.

MAZMUR 102:16

Ngaangai' ru bansa' no malaa' ra Tuhan; ngaangai' raja' ru tana' ti malaa' ra kuasa' Nano.

MAZMUR 102:13

Kaa' Okou, iou Tuhan, raja' ra sabuoi-buoi no; ngaangai' ru papag mangkara' Rirun.

1 TUNUNG RU BANSA' ISRAIL 16:32

Pompongoos no, okou raat, am ngaangai' ru suang muno! Pakaansuk no, akau umo-umo, am ngaangai' ru tinanom min!

MAZMUR 145:10

Ngaangai' ilo ondo' maayag ra binaal Muno mongompor Rirun, iou Tuhan, am ngaangai' ulun Muno maringkuanang Rirun.

MAZMUR 145:21

Masalok aku mongompor ra Tuhan; gama' ru ngaangai' ilo ondo' maayag ra binangun Nano mongompor ra inggalan ru Tuhan ra sabuoi-buoi no.

MAZMUR 148:4

Omporo' Iono, okou limbowon ondo' masawat kaga', omporo' Iono, okou timug giu' ra rasawat ru limbowon.

JISAYA 44:23

Pagilakup kono maansukan, okou limbowon! Pagilakup kano, alii ra intok-intok malandom ra tana' ti! Pagitapap kano maansukan, akau kagunungan, am kataunan am niayuk nansalinut tutuu' no! Tuhan napakito ra katulayan Nano paat ra Io namayag ra ulun Nano Israil.