MAZMUR 69:3 - Tanou Moonsoi Timugon

³ matikolosor aku ra losok malandom, am kolondo' kinjangan; nalinjob aku ra timug malandom, am kinulun ru timug mamaar poyo mopolosor raki'.

MAZMUR 69:3 ပူးပေါင်းရင်းမြစ်များ

AYUP 11:20

Kaa' ulun malaat mampulolou am maubong; kalo nakatuum ilo ra ralan ingkualan. Rondo' ayuk kalansanan nilo iono maminawo ra pupus toojo.”

AYUP 16:16

Mantangi' aku saboi malia' bulos kuno, am minangkut mato kuno am maitom.

MAZMUR 119:123

Malaut mato kuno maginaa ra Okou matong mangindangan koson mamayag raki', am maginaa ra Okou mapalabus raki', sumugut ra bantu' Muli.

MAZMUR 119:82

Maagui mato kuno magiginaa ra atan kia pasalulaan ru bantu' Muno, liliwa' aku mangkuot, “Sanggilan kia Okou mangindangan raki'?”

MAZMUR 22:15

Kolondo' boo lulu' kuno, natatak koson ra timug nasasar. Ngaangai' ru bungul kuno naukuk; guang kuno timinanu' koson ra dian.

MAZMUR 22:2

Aki Kapuuno' kuno, iou Aki Kapuuno' kuno, Kua tatango' Mu aku? Mampiau aku Rirun kaa' lakat Kopo maalur, am kalo mangindangan raki'.

MAZMUR 25:21

Gama' ru kaansayan am kabanisan ru guang kuno mantamung raki', sabap ra mangintopot aku Rirun.

MAZMUR 39:7

kaayagan nilo mansail koson ra babara'. Ngaangai' ru baalon nilono kolondo' onong; mangumung ilo ra rapu', kaa' kalo napandayan nilo osoi manungkus no.

MAZMUR 40:3

Binunduk No aku intor ra luang ondo' makalalaa', intor ra luogon molosok. Pinatampak No aku ra batu saboi tumpang kuno maikang.

MAZMUR 6:6

Giu' ra intok ru minatoi kalo boo karaan Kou; kolondo' osoi pana mongompor Rirun giu' ra pagun ru ulun minatoi.

MAZMUR 69:21

Nagasaban nagibit ra guang kuno malawo, am liminungkang aku. Maguyum aku ra ulun ondo' maluoi pakaasi', kaa' kolondo' najampa' ku; maguyum aku ra ulun ondo' mangikang ra guang kuno, kaa' kolondo' natuum kuno.

MAZMUR 88:7

Pinapatir Mu aku ra lobong malandom, ralalom ru luang ra molondom kaga' am malandom kaga'.

JISAYA 38:14

Bolos kuno lumuku am malawo, malumpus aku koson ra susuit asang. Mato kuno maagui sabap ra mantingaa' ra limbowon. Iou Tuhan, bayago' aku no intor ra nansalinut kapaganan ragitio.

SULABOI 2:11

Minangkut mato kuno sabap ra nantangi' ra kalo lumonggo'; saliguor kuno totopot naupus. Natutuk guang kuno nakakito ra kapusaan ru bansa' kuno, nakakito ra lalaing am lalagang nalausan giu' ra ralan ru bandar.

JUANIS 19:28

Napandayan ri Jisus ra raino ngaangai' nopongo noyo, am maa' raginio masugut ondo' tinulisan ra Buuk Kitab, indagu Io, “Pinaason Aku.”

SAGULION 28:32

Ra talupak ru mato min, anak-anak min, iou ra ungkuyon am ruandu', pataakon koson ra ulipon ra ulun bansa' ru bokon. Moonong orou, mapari' mato min maguyum ra anak-anak min, kaa' pirot mino banangan ak, sabap kalo sumaguli' ilo.

IBRANI 5:7

Paat ri Jisus soroi ra tana' ti, nakiasi' Io toojo ri Aki Kapuuno' nabaya' ra bolos mapuor liliwa' nantangi'. Nakiasi' Io ri Aki Kapuuno' ondo' makapamayag Riso intor ra kapatayan, am rinongog Io ri Aki Kapuuno' sabap ra pinainggana' No guang Nano Riso.