MAZMUR 68:6 - Tanou Moonsoi Timugon

⁶ I Aki Kapuuno' ondo' minayan ra intok Nano ra matulai, magalung ra anak nailusan ra matuo am manindung ra ulun napuor.

MAZMUR 68:6 ပူးပေါင်းရင်းမြစ်များ

MAZMUR 10:14

Kaa' Okou makakito; ilain Mu kapaganan am kaimbalaan ru ulun, am magail makatampos mangindangan risilo. Ulun ondo' lamuoi pasubakon nilo inan nilono Rirun, sabap ra masalok Kou mangindangan ra ulun ondo' makakapaganan.

MAZMUR 107:10

Mokoondo' ulun nakasubol ra kalandaman, ulun inaput nabangkil am naimbolo',

MAZMUR 107:14

Ibiton No ilo mingkual intor ra kalandaman, am bukaton No rantai ondo' namangkil risilo.

MAZMUR 107:34

Sinauk No tana' ra malabung no ra limayak mapua', kinibit ru kalaatan ru ulun ondo' namagun ra giu' no.

MAZMUR 113:9

Ngaangai' anak pinataak no ra andu' ondo' tabanang am pasaukon io ra ina' ondo' makaansuk am urumaton ra baloi nano. Omporo' noyo Tuhan!

MAZMUR 146:7

sungkaan No kaapuan ru ulun inimbolo', am paakanon No ulun naitilan. Tuhan napalabus ra ulun rinakop,

MAZMUR 69:33

Amon ulun inimpayan magilong ra baal ragitio, maansukan ilo; ulun ondo' sumamba ri Aki Kapuuno' mintopot poyo.

AMSAL 23:11

Tuhan, manunungka' ondo' maikang, manungka' risilo am manggal ramuyun.

JISAYA 61:1

Kuasa' ru Tuhan Ondo' Masawat Kaga' soroi raki'; Io nampili' raki' am nanusub raki' koson mapatanou ra tanou moonsoi ra ulun musikin, koson mapatapuli' ra ulun natutuk guang, koson mapatanou ra ulun rinakop ra ilo palabuson mataki', am ra ulun-ulun ralalom ru pangaputan ra paingkualon ilo.

GOSIA 2:3

Kalo makaasi' Aku ramuyun, anak-anak nano; akau inanak intor ra pantalanan ra inan.

MALIAKI 1:3

kaa' masisang Aku ri Isau am niayuk papag nano. Pinuso Ku noyo intok makabulur longgom ri Isau am nompoloso ra tana' nano ayanin ru bibiag masigo.”

RINALATAN 16:26

Paat ragili niayuk kalunggun boo tana', saboi ngaangai' pangaputan ti nakaaya' kalunggun. Naukab ngaangai' kulobon i am rantai pinabangkil risilo i naugal.

GALATIA 4:27

Mokoondo' tinulisan ra Buuk Kitab ra: “Pakaansuk no, ruandu' ondo' tabanang! Pagitatapap am pampiau mabaya' ra kaansukan, okou ondo' kalo igondo' karuali' ra maganak! Ruandu' inimpayan makaanak ra masuang intor ra ruandu' ondo' masimpung ra ralaki nano.”

SAGULION 10:18

Manutun Io maa' raginio anak kolondo' matuo am napuor matimpok pamakuan. Motogom Io ra ulun bansa' ru bokon ondo' minayan mabaya' ra bansa' takau; nanaak Io risilo ra akanon am bayang.

1 SAMUIL 2:5

Ulun ondo' naasug ragili, raino ti moonsoi mangandoi ra maginakan; kaa' ondo' nangaitilan ragili, raino ti nangaasug boo. Andu' ondo' tabanang naganak ra tulu' ngaulun anak, kaa' ina' ondo' makaanak ra masuang, tinatang am pinoloso naimbolo'.