MAZMUR 68:14 - Tanou Moonsoi Timugon

¹⁴ nakaalap ra susuit asang ra binaal ondo' inan nano natikop ra pirok, ondo' kawo nano inangkupan ra mas manguliat.

MAZMUR 68:14 ပူးပေါင်းရင်းမြစ်များ

MAZMUR 51:7

Malaat aku no intor poyo ra aku inanak; makatula aku no intor poyo ra aku tininai'.

JISAYA 1:18

Indagu Tuhan, “Ibok noyo salasayo' takau baal ragitio. Kabalu' pana mapaang kinalia' min sabap ru tula mino, baguin Takamin saboi akau masauk mapulak koson ra gapas. Kabalu' pana maagat am masuang tula min, akau totopot ampunon Ku.

JIRIMIA 2:3

Mamagun kau ru Israil, akau longgom Kuno galama', akau longgom Kuno ondo' tinagaman. Mamparatong Aku ra kapaganan am karaat ra ngaangai' ulun ondo' mampajamar ramuyun. Aku, Tuhan nakaindagu noyo.”

UNTABAN 21:3

Iniou ru Tuhan kitaakon ru ulun ru Israil, am nangindangan risilo nangala ra ulun ru Kanaan. Linuus ru ulun ru Israil ngaangai' ulun ru Kanaan am bandar-bandar nilo. Ininggalanan ru ulun ru Israil intok raginio ra Orma.

TINGGANAI RU BANSA' 2:7

Buoi i Josua naayag, nangandoi ulun ru Israil ra Tuhan. Kopongo i Josua minatoi, nagulayun ulun ru Israil nangandoi ra Tuhan buoi ilo tiningganai ru tingganai-tingganai Israil ondo' nakakito ra binaal maayo ru Tuhan ra ulun ru Israil.

TINGGANAI RU BANSA' 9:48

Ginio ra minongoi i Abimilik ra Gunung Jalmon nabaya' ra ulun-ulun nano. Giu' no namutul ilo ra raan ru tataun ra kapak, am nansaan ra raan-raan tataun. Nanusub io ra ulun-ulun nano nagindibok mambaal koson raginio niayuk.