MAZMUR 66:3 - Tanou Moonsoi Timugon

³ Indagu kano ri Aki Kapuuno', “Ngaangai' binaal Muno makaimuag toojo! Maayo kaga' kuasa' Muno saboi pantula' kumuku' malaa' ra saang Muno.

MAZMUR 66:3 ပူးပေါင်းရင်းမြစ်များ

AYUP 25:2

“I Aki Kapuuno' totopot makakuasa'; ngaangai' ulun musiti' malaa' Riso; Magalung io ra kaansayan ralalom ru pamarintaan Nano giu' ra suruga'.

MAZMUR 18:44

Namayag Kou raki' intor ra ulun mangalaat, am mapasauk raki' mamarinta ra ngaangai' bansa'; bansa' ra kalo nauligan kuno masauk ra mamagun kuno.

MAZMUR 18:45

Bansa' ra suai pagun kumuku' malaa' raki', am gumagaya' mangkirongog ra panusuban kuno.

MAZMUR 47:2

Pagitapap kau, akau ngaangai' bansa'! Omporo' i Aki Kapuuno' ra rimbai ondo' mapuor am mapabansuk!

MAZMUR 65:5

Pakaansuk noyo ilo ondo' pinili' Muno, ilo ondo' inibit Muno minayan ra Baloi Muno. Giu' ra Baloi Muno, basugon Mu akai ra ngaangai' ondo' moonsoi, barakat Muno ramon giu' ra ayanan Muno ondo' matulai.

MAZMUR 68:30

Ngaangai' raja' mapataak Rirun ra tangguang giu' ra Baloi Muno ra Jirusalim.

MAZMUR 76:12

Suguto' noyo atan ondo' binantu' muli' ra Tuhan, i Aki Kapuuno' muno; maaru' ngaangai' bansa' ondo' nakapaginggaar magibit ra taak, koson pataakon Riso ondo' kalaanin.

MAZMUR 81:15

kalaan Ku pantula' nilono ra mataki', am kukumin ngaangai' pantula' nilono.

KAINGKUALAN 15:21

Rinimbayan ri Miriam ilo, “Rimbayi' min Tuhan sabap ra moonsoi kaga' kamanangan noowot Nano; Namatir Io ra kuda am ulun nangura' ra kuda ralalom ru raat.”

JISAYA 2:19

Ulun mansibuni ra ralalom ru luang batu giu' ra kabatuan bulur, kapoam mangkali ra luang giu' ra tana' koson tumuliar ra sangit ru Tuhan, am mansibuni intor ra kuasa' am katulayan Nano bulintok ra Io matong manguyog ra tana' ti.

JISAYA 25:3

Ngaangai' bansa' ra maikang mongompor Rirun, am kalaanin giu' ra bandar ru bansa'-bansa' ondo' mangalaat.

JISAYA 40:26

Tingaano' noyo limbowon am urioo'! Osoi kia namangun ra ngaangai' butitin? Io noyo nanusub ra butitin mingkual koson ra pulalai ru saujor, mapandayan No kula' suang, am mampiau ra inggalan ru moonong butitin! Kuasa' Nano maayo kaga' – kolondo' rondo' butitin pana matatak!

JISAYA 64:3

Nambaal Kou ra baal ondo' makalalaa', ondo' kalo maguang mai. Timinuun Kou, am gunung-gunung mauyog sabap ra malaa'.

JIRIMIA 10:10

Kaa' Okou, Tuhan, i Aki Kapuuno' ondo' motopot, Okou i Aki Kapuuno' ondo' maayag, raja' ondo' mantilayun. Paat ra Okou sumangit, monontol tana' ti, bansa'-bansa' kalo maikang manguma' ra sangit Muno. (