MAZMUR 66:2 - Tanou Moonsoi Timugon

² Paririmbai kano am katulayo' inggalan Nano; Urumato' am omporo' Io!

MAZMUR 66:2 ပူးပေါင်းရင်းမြစ်များ

NIGIMIA 9:5

Sambayang ra orou raginio tinalimpuunan ru ulun ru Liwi ragitilo: I Jisua, Kadmiil, Bani, Gasabniya, Siribia, Godia, Sibania am Pitaya. Konilo, “Ibok kano bigor am mongompor ra Tuhan, i Aki Kapuuno' takau; omporo' Io ra sabubuoi no! Omporon inggalan Nano ondo' matulai kaga', inggalan ondo' matulai intor ra ngaangai' ompor!”

MAZMUR 106:2

Osoi kia makapantunung ra baal maayo ondo' binaal ru Tuhan? Osoi kia mokopongompor Riso ra sotopot-topot no?

MAZMUR 107:15

Musiti' no maringkuanang ilo ra Tuhan sabap ra togom Nano ra mantilayun, am niayuk binaal Nano ra makaimuag koson risilo.

MAZMUR 107:22

Musiti' no maringkuanang ilo Riso am mapataak ilo ra taak simbalui, am mapatanou ra binaal Nano ralalom ru rimbai-rimbai maansukan.

MAZMUR 68:33

Rimbayi' min noyo i Aki Kapuuno', akau ngaangai' karajaan ru tana' ti, parimbai kano ra rimbai mongompor ra Tuhan,

MAZMUR 72:18

Omporo' noyo Tuhan, i Aki Kapuuno' ru ulun ru Israil, Io ayuk mambaal ra baal-baal ra makaimuag toojo.

MAZMUR 79:9

Indangano' akai no, iou Aki Kapuuno', mamamayag ramon; ralalom ru katulayan Muno galama', bayago' akai no am ampuno' noyo tula mai.

JISAYA 42:12

Moonsoi ra ulun ondo' minayan ra pagun-pagun maalur mongompor am mapatulai ra Tuhan!

JISAYA 49:13

Parimbai no, okou limbowon, pagilakup noyo okou tana', akau gunung-gunung, pagilakup noyo maansukan! Sabap ra Tuhan matong mangansuk ra ulun Nano, makaasi' Io ra ulun Nano ondo' inimpayan.

JISAYA 6:3

Ilo ondo' maayag no mampiau ra rondo' am bokon, “Matulai, matulai, matulai! Matulai noyo Tuhan Ondo' Maayo Kaga' Kuasa'! Tana' natikop ra rinatangan Nano ondo' matulai.”

PINAINTALANG 5:13

Morongog ku boo moonong ilo ondo' maayag ru suruga' no, tana' no, intok ru ulun namagatoi am ralalom ru raat no – ilo ngaangai' marimbai: “Koompor am kaurumat noyo, kuasa' am ikang ra mantilayun, ra Io ondo' manturung ra takhta am ra Anak Domba no!”