MAZMUR 66:14 - Tanou Moonsoi Timugon

¹⁴ bantu' ra rinagu kuli, bulintok ra aku makakapaganan.

MAZMUR 66:14 ပူးပေါင်းရင်းမြစ်များ

KASAUKAN 35:3

Iruanin takau intok ragitio am mongoi ra Bitil. Giu' no mambaal aku ra rondo' altar ri Aki Kapuuno' ondo' nangindangan raki', paat ra aku makakapaganan am ondo' nagalung raki' ra ati ayuk angayan kuli.”

2 SAMUIL 22:7

Ralalom ru kapaganan mampiau aku ra Tuhan; mampiau aku ri Aki Kapuuno' kuno ra makiindangan. Ralalom ru Baloi Nano mangkirongog Io ra bolos kuno; mampalio Io ra piau kuno.

MAZMUR 18:6

Patayan ra makalalaa' no liminibung raki', am lobong napataan ra balatik sulungan kuno.

UNTABAN 30:12

Kaa' amon ru ralaki nano manginggalar riso manugut ra nazar nano paat nokorongog ra baal raginio, ruandu' no kalo boo panuguton ra nazar nano. Ralaki nano nanginggalar riso, am mangampun Tuhan ra ruandu' no.

UNTABAN 30:2

Paat ra sangulun ungkuyon mokogogoton koson manaak ra rorondo' ra Tuhan kapoam magibot ra kalo mambaal ra rorondo' baal, kalo makalungkang io ra bantu' nano. Musiti' io mambaal ra ngaangai' ondo' rinagu nano.

UNTABAN 30:8

Kaa' amon ru nokorongog ralaki nano ra baal raginio am kalo mangiou raginio, ruandu' no kalo boo panuguton ra nazar nano. Mangampun Tuhan no riso.

1 SAMUIL 1:11

Kopongo raginio rinagu ri Ana rondo' bantu', kono, “Iou Tuhan Ondo' Maayo Kaga' Kuasa', ilai' noyo ulipon Mutu. Ilai' noyo kapaganan kutu, am karaa' aku no. Pai' aku liliani'. Amon ru manaak Kou raki' ra sangulun anak ungkuyon, bantuon ku ra mapataak riso Rirun buoi ru bayag nano, am abuk nano kalo lamparin.”