MAZMUR 65:6 - Tanou Moonsoi Timugon

⁶ Bulintok ra akai mampiau tumaam Kou am manaak Kou ramon ra kamanangan; baal-baal makaimuag binaal Mu koson mamayag ramon. Okou kalansanan ru ulun ra titikop ru tana' ti, am ulun giu' ra sandaup ru raat ondo' maalur.

MAZMUR 65:6 ပူးပေါင်းရင်းမြစ်များ

MAZMUR 119:90

Pampagagayaan Muno mantilayun ra sabuoi-buoi no, pinabanta' Mu tana' ti am tana' ti magulayun soroi.

MAZMUR 24:2

Mambaal Io ra pagun ti ralimbou ru timug, am patampakon no alu nano ra raat ondo' malandom am malangka'.

MAZMUR 93:1

Tuhan noyo Raja'. Sinulungan No bayang katulayan am kaikangan. Kinapiot Mu tana' ti, maa' raginio kalo boo mauyog.

JISAYA 12:2

Aki Kapuuno' Mamamayag raki'; mangintopot aku Riso am kalo malaa' aku. Tuhan manaak ra kuasa' am kaikangan raki'; Io no Mamamayag raki'.

JISAYA 45:22

“Akau ngaangai' namagun ru tana' ti, saguli' kano Raki' maa' raginio bayagon kau, sabap ra Aku ayuk i Aki Kapuuno', kolondo' bokon!

JISAYA 51:9

Luat noyo Tuhan, indangano' akai, bayago' akaino ra kuasa' Muno. Luat noyo koson ra galing i bulintok ra Okou nanutuk ra Ragab, am nonobok ra tambuakal ru raat no saboi minatoi.

JISAYA 63:1

“Osoi kia io minatong intor ra bandar Bojra giu' ra Idom? Osoi kia io nambayang ra malia' am mugar ra maikang kaga'?” “Io Tuhan ondo' makakuasa' koson mamayag. Io matong koson mapabala' ra kamanangan Nano.”

MIKA 6:2

Gunung kau ngai', puun ru tana' ondo' mantilayun, rongogo' noyo ondo' pabalaan ru Tuhan! Tuhan mokoondo' ra baal ra ulun Nano am magibit Io ra panguwan ra Israil.

ABAKUK 3:6

Paat ra Okou lumonggo', muyog tana' ti; paat ra Okou magilong, bansa'-bansa' songongonsol. Gunung-gunung ondo' lair noyo soroi natutuk kalingon; bulur-bulur ondo' nagulayun soroi pana liminonson, bulur-bulur intok Muno mugar intor noyo ra galing.

1 SAMUIL 2:4

Napandak noyo busur ru saujor ondo' mapanggol, kaa' nasauk boo ulun ondo' malawo ra mapanggol.