MAZMUR 63:3 - Tanou Moonsoi Timugon

³ Iowo' aku magilong Rirun ra Baloi Muno, am niayuk magilong ra kuasa' am katulayan Muno.

MAZMUR 63:3 ပူးပေါင်းရင်းမြစ်များ

MAZMUR 21:6

Pangurumatan riso no maayo sabap ra Okou nangindangan riso; raja' no sinauk Mu ra mauligan toojo ra titikop ru tana' ti am kolondo' mokogondo' ra kuasa' nano.

MAZMUR 30:12

Pantangian ru guang kuno kinulau Mu masauk ra ligo' kaansukan; inalap Mu ulir kuno am pinasuali Mu kaansukan.

MAZMUR 30:5

Rimbayo' pangamparan ra Tuhan, akau ulun Nano ondo' gumagaya'! Karaa' noyo atan ondo' binaal ru Io Ondo' Matulai Kaga' am maringkuanang Riso!

MAZMUR 4:6

Patutuyo' noyo taak ondo' motopot am pangintopot no ra Tuhan.

MAZMUR 42:2

Koson ra tambang moondom ra timug ru sungoi, koson niayuk ra salibuor kuno moondom Rirun, iou Aki Kapuuno'.

MAZMUR 51:15

Aku pana mangila' ra panusuban Muli ra ulun makatula, maa' raginio sumaguli' ilo Rirun.

MAZMUR 66:17

Mampiau aku makiindangan Riso; marimbai aku mongompor Riso.

MAZMUR 68:25

Ngaangai' ulun magilong ra ugar guguluyur ra Okou namanang, iou Aki Kapuuno', ugar guguluyur ri Aki Kapuuno' kuno, Raja' kuno mumpos ra Baloi Nano.

MAZMUR 69:16

Pai' polosoo' liur no mangabas raki'; pai' aku polosoo' molosor ra lonor ru raat, kapoam malinjob ra ralalom ru lobong.

MAZMUR 96:6

Katulayan am urumat liminiput Riso, intok Nano natikop ra kuasa' am kaantakan Nano.

KAINGKUALAN 33:18

Pangitaak boo i Musa, “Iowo' aku magilong ra sinda ru Saang Muno.”

GOSIA 14:2

Saguli' no ra Tuhan, i Aki Kapuuno' min, ulun ru Israil kau. Tula min nangkinibit ramuyun nakasunsuyar am naratu'.

ROMA 12:1

Pabukat kau ngaangai', sabap ra i Aki Kapuuno' makaasi' ritakau kitaakon takamin tojojo: Patimpoko' noyo kaayagan mino ri Aki Kapuuno' ayuk koson ra rondo' taak ondo' maayag, am ginio noyo mapabansuk Riso. Ginio noyo bayaan ra matanda' sumamba ri Aki Kapuuno'.

ROMA 6:19

Alapon ku tiluan ru ulipon ti sabap ra mangailo kau mangarati'. Ra galing i pinoloso noyo kaayagan mino galama' sumauk ra ulipon ru baal majamol koson mambaal ra malaat. Koson niayuk raino, polosoo' noyo kaayagan mino galama' sumauk ra ulipon ru kasagaan ri Aki Kapuuno' koson akau galama' patimpokon Riso.

1 KORINTUS 6:20

Mologo toojo pinambabali ri Aki Kapuuno' ramuyun, ioginio i Kristus. Sabap raginio, urumato' noyo i Aki Kapuuno' ra inan mino pana.

PILIPI 1:23

Karuo-ruo ti mampakabunduk ra guang kutu. Masaga' aku niayuk mangiruan ra painawo kutu am makasimpung ri Kristus, sabap ra ginio noyo moonsoi no.

IBRANI 13:15

Ginio ra ralalom inggalan ri Jisus, kasalok takano pongompor ri Aki Kapuuno'; gitio noyo koson ra taak simbalui koson paringkuanangan ondo' mangiou ra Io no Tuhan takau.

1 JUANIS 3:2

Pabukat kau ngaangai' ondo' tagamin ku! Itakau raino ti anak ri Aki Kapuuno'. Kaa' kalo poyo natutunan toojo atan masauk ritakau ra tauli no. Kaa' nakapandai takau, paat i Jisus Kristus matong saguli', masauk takau koson Riso, sabap ra itakau makakito ra baal ru inan Nano toojo.