MAZMUR 62:8 - Tanou Moonsoi Timugon

⁸ Pamayagan kuno am kaatangan kuno lumansan ri Aki Kapuuno'; Io noyo manindung raki' ondo' maikang; Io noyo intok sindungan kuno.

MAZMUR 62:8 ပူးပေါင်းရင်းမြစ်များ

AYUP 13:15

Polosoon i Aki Kapuuno' mamatoi raki' sabap ra nakai' noyo guang kuno, kaa' manaung aku ra baal kuno ra saang Nano.

MAZMUR 102:1

Pakiasian ru sangulun naimbolo' am naagui, ondo' mampalaa ra Tuhan.

MAZMUR 142:2

Mampiau aku ra Tuhan, mikimasi' aku Riso ra makiindangan.

MAZMUR 18:2

Motogom aku kaga' Rirun, iou Tuhan! Okou manungka' raki'.

MAZMUR 3:4

Kaa' Okou, iou Tuhan, ampin noyo ondo' manindung raki'. Manaak Kou raki' ra kamanangan am mapasaguli' ra ambiluo kuno.

MAZMUR 37:3

Pangintopot no ra Tuhan am pambaal kano ra ondo' moonsoi; ayan no ra pagun ragitio am akau pana maayag.

MAZMUR 42:4

Orou rondom aku mantangi', lomou ayuk akanon kuno; magail ayuk pantula' kuno mangkuot raki', “Ati kia i Aki Kapuuno' muli?”

MAZMUR 46:11

Minindagu Io, “Langgai' noyo pangayawan, uligi' min noyo ra Aku ti i Aki Kapuuno', ondo' matulai intor ra ngaangai' bansa' am ra titikop ru tana' ti.”

MAZMUR 46:2

I Aki Kapuuno' sindungan am kaikangan takau; masalok Io masaga' mangindangan ritakau paat ra makakapaganan.

MAZMUR 71:7

Kaayagan kuno masauk ra tiluon moonsoi ru ulun masuang, sabap ra Okou manunungka' raki' ra maikang.

MAZMUR 91:2

makaindagu Riso, “Okou noyo manungka' raki' am mangampin raki'. Okou noyo i Aki Kapuuno' kuno; mangintopot aku Rirun.”

MAZMUR 94:22

Kaa' Tuhan manungka' raki'; i Aki Kapuuno' kuno manindung raki'.

AMSAL 14:26

Urumat am malaa' ra Tuhan manaak ra sasangulun am niayuk ilo sasambaloi ra kaintapatan am kaayagan moonsoi.

JISAYA 26:16

Iou Tuhan, inukum Mu ulun Muno, am ralalom kaimbalaan, mampiau ilo Rirun.

JISAYA 26:4

Pangintopot noyo ra Tuhan ra sabuoi-sabuoi no; masalok Io mangampin ritakau.

JISAYA 50:10

Akau ondo' mangurumat ra Tuhan, am mangkirongog ra ragu ru ulipon Nano, ralan ra bayain mino magu' molondom, am kolondo' sinda makatampulau ramuyun; kaa' pangintopot noyo ra Tuhan; am lansang no ri Aki Kapuuno' mino.

SULABOI 2:19

Ruruli' no tumirong ra mosorondom, am piawo' noyo Tuhan; pabalaa' ngai' suang ru guang muno am pakimasi' no koson ra anak-anak muno, anak-anak ondo' tatanga' maitilan giu' ra moonong lisangon ru ralan.

PILIPI 4:6

Pai' kano kaimamang ra atan ayuk pana, kaa' kasalok noyo pasalulaa' ayuk ri Aki Kapuuno' atan ondo' kitaakon mino. Am baalo' min gitio mabaya' ra pakiasian am paringkuanangan.

IBRANI 6:18

Sabap ri Aki Kapuuno' kalo mapandai magabau, bantu' am ibot Nano kalo maalap kakulau. Intor raginio itakau ondo' nakialung Riso, maikang kalansanan takau ra bantu' Nano suguton No.

1 JUANIS 2:28

Pabukat kau ngaangai', pagulayun kano simpung ri Jisus Kristus! Paat ra ratangan Nano, makakau' takau toojo muma' Riso, am kalo mansibuni sabap ra mauyu'.

1 SAMUIL 1:15

Taam i Ana, “Tuan, kalo nagauk aku. Kalo nanginum aku ra wain. Aku ti malumpus guang, am tatanga' aku makiasi' koson mapaingkual ra suang ru guang ra Tuhan.