MAZMUR 60:4 - Tanou Moonsoi Timugon

⁴ Ginonggon Mu tana' ti suku' nalapak; punaa' noyo nangapilang no sabap ra tana' ti mauyog.

MAZMUR 60:4 ပူးပေါင်းရင်းမြစ်များ

MAZMUR 20:5

Gama' ru manaak Io rirun ra atan gogoton muno am suguton no nansalinut guangon muno.

MAZMUR 45:4

Pooboto' ilang ra awak muno, okou raja' mapanggol, okou no raja' ra totopot uramaton am maatang kaga'!

KAINGKUALAN 17:15

Nambaal i Musa rondo' altar am inggalani' no ra “Tuhan Bandira' Kuno.”

RIMBAI PANGAMPARAN 2:4

Ibiton no aku giu' ra baloi pangiantakan, gigilong nano raki' napanu' ra laai.

JISAYA 11:12

Bilaron ru Tuhan bandira' koson mapabala' ra ngaangai' bansa' ra Io tatanga' manimung saguli' ra mamagun ru Israil am Jiuda ondo' nakapantutuliar ra titikop ru tana' ti am magibit risilo muli'.

JISAYA 13:2

Paundoko' noyo bandira' ru mangayou giu' ra rasawat ru bulur ondo' malimparang! Pampiau no ra saujor. Painsawato' longon muno koson rondo' pulanu risilo mongoi pamulunsar giu' ra kulobon-kulobon garabang ru bandar ondo' malilimbau no.

JISAYA 49:22

Tuhan Raja' mindagu ra ulun Nano, “Aniin Ku ra pulanu ra bansa'-bansa' am pasagulion nilo anak-anak muno; anak-anak muno ra ungkuyon no kubibilon, am anak-anak muno ra ruandu' saanin.

JISAYA 5:26

Ilai' Tuhan manaak ra pulanu ra bansa' ondo' maalur. Sisiukon No mampiau risilo intor ra pompor ru tana' ti am mataki' ilo matong!

JISAYA 59:19

Intor ra sirangon suku' ra kalasaan, moonong ulun malaa' ra katulayan am kuasa' Nano. Matong Io koson ra timug ru sungoi ondo' maaug am koson ra bagiu'.