MAZMUR 60:2 - Tanou Moonsoi Timugon

² bulintok ra io nangayou ra ulun ru Aram-Misopotamia am ulun ru Aram-Joba, am bulintok ri Joab minuli' am namatoi ra 12,000 ngaulun ulun ru Idom giu' ra Limayak Maasin.

MAZMUR 60:2 ပူးပေါင်းရင်းမြစ်များ

2 SAMUIL 22:8

Tana' ti pana monontol am mogonggon boo; lonor ru limbowon monontol am mauyog, sabap ra sumangit i Aki Kapuuno'!

2 SAMUIL 8:1

Kukula' buoi raiti, namulunsar poyo Raja' Daut ra ulun ru Palistin. Nangala io risilo am nampagaau ra tana' nilono.

1 TUNUNG RU BANSA' ISRAIL 18:12

I Abisai, (ina' nano ininggalanan ri Jiruya) nangala am namatoi ra 18,000 ngaulun ru Idom giu' ra Limayak Asin,

1 TUNUNG RU BANSA' ISRAIL 18:3

Kopongo raginio Raja' Daut nangala ra Raja' Gadadijir, namarinta giu' ra Joba mamaar ra wilayah Gamat giu' ra pagun Siria. Paat raginio Raja' Gadadijir mangkiralan koson manguasa' ra wilayah mamaar ra ralayo ru Sungoi Iprat.

1 TUNUNG RU BANSA' ISRAIL 18:5

Paat ra ulun ru Siria intor ra Damsyik nangator ra saujor koson mangindangan ra Raja' Gadadijir, Raja' Daut namulunsar ra saujor no am namatoi 20,000 ngaulun.

2 TUNUNG RU BANSA' ISRAIL 7:14

kaa' amon kalo makiasi' ilo Raki' am tumalikur intor ra tula am lumonggo' mambaal ra malaat, am intor ra suruga' mangkirongog Aku risilo, am mangampun ra tula nilo, am niayuk mampasauk ra pagun nilo langkaya' saguli'.

AYUP 5:18

Kabalu' pana rualin kou ri Aki Kapuuno', babason No okou; kalindu' Nano ondo' mamilat, kalindu' Nano niayuk ondo' mamabas.

AYUP 9:6

Ginonggon ri Aki Kapuuno' tana' ti am pinuyu' tana'; inuyog No lugu' napatampakan ra tana' ti.

MAZMUR 104:32

Pulolowon No tana' ti, tana' ti pana monontol; kumambong Io ra gunung, gunung pana makalisun.

MAZMUR 114:7

Okou tana', ponontol no ra saang ru Tuhan, ra saang ri Aki Kapuuno' ondo' sambaan ri Jakub,

MAZMUR 18:7

Bulintok makakapaganan mampiau aku ra Tuhan; mampiau aku ri Aki Kapuuno' kuno koson makiindangan. Ralalom ru Baloi Nano rongogon No bolos kuno; talinaasin No pampiawan kuno.

MAZMUR 89:40

Linugut Mu bantu' Muli ra ulipon Muno, am pinatiran Mu karaun nano ra losok.

KAINGKUALAN 15:11

Iou Tuhan, osoi kia intor ra tuhan-tuhan ondo' koson Rirun? Osoi kia ondo' koson Rirun, matulai kaga'? Osoi kia ondo' makapambaal ra kaimuagan am baal ra makaimuag koson ra binaal Muno?

JISAYA 30:26

Bulan no suminda mapaang koson ra mato ru orou, am mato ru orou suminda mapaang intulu' poyo kapaang intor ra paang kaindalaman, koson ra sinda ru mato ru orou tulu' ngoorou buoi pinasinda patimpuluso'. Ngaangai' no masauk paat ra Tuhan mamangkos am mamali' ra pipilat-pipilat ru ulun Nano ondo' pinilatan Nano.

JISAYA 5:25

Sumangit Tuhan ra ulun Nano. Masaga' Io mangukum risilo. Gunung mangauyog am baangkai sakabantai' ra tatanga' ru ralan koson ra ginsamol. Kaa' sangit ru Tuhan kolondo' poyo pupus. Rayusin No mangukum ra ulun Nano.

JISAYA 7:8

sabap Siria kalo maikang poyo intor ra Damsyik, pusor bandar nano, am Damsyik pana kalo maikang poyo intor ra Raja' Rijin. Kabalu' pana ralalom buoi onom ngoopor am limo ngambilor, Israil no kalo mogogondo' guang saboi kalo masabayan no koson ra rondo' bansa'.

JIRIMIA 10:10

Kaa' Okou, Tuhan, i Aki Kapuuno' ondo' motopot, Okou i Aki Kapuuno' ondo' maayag, raja' ondo' mantilayun. Paat ra Okou sumangit, monontol tana' ti, bansa'-bansa' kalo maikang manguma' ra sangit Muno. (

JIRIMIA 14:17

Nanusub Tuhan raki' mambala' ra kangilukan kuno ra ulun Nano. Musiti' ku raguon koson ragitio, “Polosoon aku mantangi' ra kalo tumulou, orou am rondom lomou tumulisan, sabap ra bansa' kuno napilatan toojo am naimbolo' kaga'.

JIRIMIA 30:17

Kabalu' pana mindagu pantula' min, ‘Sion pinatiran noyo, am kolondo' mampalio riso,’ kaa' akau paligagon Ku saguli', am pilat min kapalion Ku.”

JIRIMIA 4:24

Tingaanon ku gunung-gunung – ngaangai' no nonontol, am bulur-bulur mangauyog.

JIRIMIA 48:38

Giu' ra rasawat ru taap ru baloi am giu' ra ngaangai' padang giu' ra Moab kolondo' morongog atan-atan pana ondo' ak am sinulaboi, sabap ra tinutuk Ku noyo Moab koson ra rarapu' ondo' kalo kasagain ru ulun.

SULABOI 2:13

Okou Jirusalim, bandar ru Sion ondo' tagamin kaga', atan kia paraguon kuno? Kalo makapangansuk aku rirun. Osoi pana kalo poyo igondo' naimbolo' koson rirun. Karaat maayo koson ra raat malangka' am malandom lumumpa' rirun; kolondo' boo kalansanan ra tayar muno.

YEHEZKIEL 34:16

“Uyumon Ku ilo ondo' natatak, ibiton muli' ilo ondo' nakalayau, am babason ilo ondo' marualan; kaa' ilo ondo' molomok am maikang pusoon Ku, sabap ra Aku magagalung ondo' mambaal ra matimpok.

GOSIA 6:1

Indagu ulun ru Israil, “Ibok saguli' takano ra Tuhan. Namparuol Io ritakau, kaa' maaru' mamabas Io poyo ritakau. Namilat Io ritakau, kaa' maaru' bongkoson No pilat-pilat takau.

AMOS 8:8

Ginio ra tana' ti mogonggon am ngaangai' ulun giu' ra pagun no magalabo. Titikop ru pagun mauyog; tana' ti magaloi tumuun koson ra Sungoi Nil.

ABAKUK 3:10

Paat ra gunung-gunung makakito Rirun, ngaangai' no muyog; rasam rumatu' intor ra limbowon. Timug giu' ra ragana' ru tana' mompongoos am kinulun nano lumapos.

MATIUS 27:51

Tabir ondo' pinatair ralalom Baloi Tuhan napiruo karilak intor ra rasawat suku' ra ragana'. Tana' ti nauyog am bulur batu nangapilang.