MAZMUR 60:1 - Tanou Moonsoi Timugon

¹ Ra tingganai ru santimungan maririmbai. Sumugut ra rimbai: Bunga' Bakung noyo sasi'. Mazmur ru Raja' Daut,

MAZMUR 60:1 ပူးပေါင်းရင်းမြစ်များ

2 SAMUIL 10:16

Piawo' ru Raja' Gadadijir no saujor ru Siria ondo' soroi ra tampilon sirangon ru Sungoi Iprat. Ratong ilo ra Ilam ra tiningganai ri Sobak, panglima saujor ru Raja' Gadadijir intor ra Joba.

2 SAMUIL 5:20

Ginio ra minongoi i Daut giu' ra Baal-Pirasim am nangala ra ulun ru Palistin. Indagu io, “Jinunjung noyo ru Tuhan gagampin ru pantula' kuno, koson ra liur napajunjung ra ngaangai' no ra igondo' ayuk.” Ginio sabap ra intok no ininggalanan ra Baal-Pirasim.

2 SAMUIL 8:14

Nanirong Raja' Daut ra pangkiman ru saujor nano giu' ra titikop ra tana' ru Idom, am mamagun ra giu' no kinuasa' no. Tuhan nangani' ri Raja' Daut ra kamanangan ra ati ayuk intok nano mangayou.

2 SAMUIL 8:3

Kopongo raginio nangala Raja' Daut ri Gadadijir anak ri Rigob, raja' giu' ra Joba giu' ra pagun Siria. Paat raginio tatanga' i Gadadijir ralalom pangkiralanan muli' koson mapatapuli' ra kuasa' nano giu' ra wilayah ralayo ru Sungoi Iprat.

2 RAJA'-RAJA' 14:7

Raja' Amajia namatoi ra mopor ngaribu ngaulun saujor giu' ra Limayak Asin, am nampagaau ra bandar Sila. Ininggalanan no bandar no ra Joktiil. Saboi raino bandar no lakat poyo makainggalan ra Joktiil.

1 TUNUNG RU BANSA' ISRAIL 18:3

Kopongo raginio Raja' Daut nangala ra Raja' Gadadijir, namarinta giu' ra Joba mamaar ra wilayah Gamat giu' ra pagun Siria. Paat raginio Raja' Gadadijir mangkiralan koson manguasa' ra wilayah mamaar ra ralayo ru Sungoi Iprat.

1 TUNUNG RU BANSA' ISRAIL 28:9

Ri Salomo boo, indagu Raja' Daut, “Okou anak kuno, musiti' i Aki Kapuuno' ondo' sambaan ru ama' muti, iowon mu koson ri Aki Kapuuno' muno. Musiti' kau mangandoi ayuk Riso ra kabanisan ru guang am guang ra masaga' toojo, sabap ra Io nakapandai ra ngaangai' karaan am kasagaan ru guang takau. Amon ru maguyum kou Riso, moowot mu Io, kaa' amon ru iruanin mu Io, impayin No okou ra sabubuoi no.

2 TUNUNG RU BANSA' ISRAIL 25:11

Minibaani' Raja' Amajia am paningganai ra saujor nano mongoi ra Limayak Maasin. Giu' no nampapatoi ilo am namatoi ra 10,000 ngaulun saujor ru Idom,

MAZMUR 108:11

Osoi kia magibit raki' mongoi ra bandar ondo' makaampin no? Osoi kia mangitang raki' mongoi ra Idom?

MAZMUR 44:9

Kalo langgain mai mongompor Rirun am maringkuanang Rirun ra sabuoi-buoi no.

MAZMUR 59:1

Ra tingganai ru santimungan maririmbai. Sumugut ra rimbai: Pai' pusoo'. Mazmur ri Daut, paat ra Raja' Saul nanusub ra ulun koson magilong ra baloi ri Daut koson mamatoi riso.

MAZMUR 59:11

I Aki Kapuuno' kuno ondo' motogom raki' no matong raki'; pailongon No aku ra pantula' kuno maala.

MAZMUR 60:10

Kaa' i Moab intok pambaguan Kuno ayuk; pobobolon Ku kasut Kuno ri Idom, koson tatandu' ra i Idom longgom Kuno. Makapangkara' kia ulun ru Palistin ra magilakup ilo sabap ra nangala Raki'?”

MAZMUR 74:1

Sisindiron ri Asap. Kua tatango' Mu akai koson ragitio, iou Aki Kapuuno'? Sabuoi-buoi no kia Okou sumangit ra ulun Muno?

MAZMUR 79:5

Iou Tuhan, kula' buoi Muno sumangit ramon? Sangit Muno sumolob kia koson ra apui?

MAZMUR 79:9

Indangano' akai no, iou Aki Kapuuno', mamamayag ramon; ralalom ru katulayan Muno galama', bayago' akai no am ampuno' noyo tula mai.

MAZMUR 80:1

Ra tingganai ru santimungan maririmbai. Sumugut ra rimbai: Bunga' Bakung. Mazmur kaintutunan ri Asap.

MAZMUR 80:3

intalang No ra bansa' ri Ipraim, Binjamin, am i Manasi! Pabalaa' noyo kuasa' Muno; ratong no am bayago' akai no!

MAZMUR 85:4

Kalo boo sumangit Kou risilo, am inorot Mu sangit Muno ra bibilak no.

MAZMUR 89:19

Okou, Tuhan nampili' ra manindung ramon; Okou, i Aki Kapuuno' Ondo' Matulai Kaga', i Aki Kapuuno' ru ulun ru Israil nanaak ramon ra raja'.

MAZMUR 89:3

Nakapandai aku ra togom Muno mantilayun, am gagaya' Muno mapiot koson ra limbowon.

MAZMUR 89:38

Karajaan nano mantilayun koson ra bulan, sasi' ra mampagagaya' giu' ra limbowon.”

MAZMUR 89:7

Kolondo' mokogondo' Rirun, giu' ra limbowon no, iou Tuhan; kolondo' suang ru suruga' pana mokogondo' Rirun.

MAZMUR 90:13

Iou Tuhan, sanggilan pupus ru sangit Muno? Saguli' no am pakaasi' no ra ulipon-ulipon Muno.

JAKARIA 10:6

Kaikangon Ku mamagun ru Jiuda; mamayag Aku ra mamagun ru Israil. Makaasi' Aku risilo am magibit risilo ngaangai' muli'. Pamakuan Kuno risilo ilain koson ayuk ra ilo kalo igondo' Ku impayi'. Aku noyo Tuhan, i Aki Kapuuno' nilo; iowon Ku pakiasian nilo.

1 SAMUIL 13:11

kaa' nangkuot i Samuil, “Atan kia binaal mu noyo?” Taam Raja' Saul, “Nakakito aku ra mamagun tumalimpuun noyo mangiruan raki', am okou kalio minatong ra paat ondo' inaru' muli. Mulu' poyo ra timinimung noyo ulun ru Palistin giu' ra Mikmas.

1 SAMUIL 4:17

Taam ulun nagibit ra tanou no, “Nagigiru' saujor ru Israil intor ra saujor ru Palistin. Naala akai kaga'. Masuang ulun pinatoi, nakaaya' ruo ngaulun anak muli, i Gopni am i Pinigas. Kaban Nabantuan ri Aki Kapuuno' niayuk ginaau ru pantula'!”