MAZMUR 59:5 - Tanou Moonsoi Timugon

⁵ sabap no ra sala' ka makasala aku, iou Tuhan, maringkaagou ilo tumampos mongoi pangayou.

MAZMUR 59:5 ပူးပေါင်းရင်းမြစ်များ

KASAUKAN 33:20

Giu' no, pambaal io ra rondo' altar am inggalani' no “i Aki Kapuuno' ru Israil noyo i Aki Kapuuno'”.

MAZMUR 54:3

Bayago' aku no ra kuasa' Muno, iou Aki Kapuuno'; ra kaikangan Muno palabuso' aku no.

MAZMUR 55:15

Galing i moonsoi sunur-sunur to, am mababaya' sumambayang ra Baloi ru Tuhan.

MAZMUR 7:7

Luat no ralalom ru sangitan Muno, iou Tuhan, am anggalo' noyo pangayawan ru ngaangai' pantula' kuno! Luat no am indangano' aku no, sabap ra katimpakan noyo kitaakon Muno.

MAZMUR 80:4

Patapulio' akai, iou Aki Kapuuno'! Pakaasi' no ramon maa' raginio maayag akai!

MAZMUR 84:8

Kinaikang nilono gumaai-gaai; muma' ilo ri Aki Kapuuno' ra Bulur Sion.

MAZMUR 9:15

maa' raginio mokopongompor aku Rirun ra saang ru mamagun ru Jirusalim. Magilakup am maansukan aku ra Okou namayag raki'.

KAINGKUALAN 20:5

Pai' samba ra sinungkalalaing ru atan pana, sabap ra Aku noyo Tuhan i Aki Kapuuno' min, am kalo masaga' Aku pogondoon ra atan pana. Ukumin Ku ulun masisang Raki'. Ukumin Ku niayuk papag nilo polos ra papag ra katalu am kaapat.

KAINGKUALAN 3:15

Balai' ulun ru Israil ra AKU, Tuhan i Aki Kapuuno' ru kinamatuaan nilai, i Aki Kapuuno' ri Abragam, ri Isak am ri Jakub, nanusub noyo rirun mongoi risilo. Ginio noyo inggalan Kuno ra sabuoi-buoi no. Ginio noyo panabitan Raki' ru ngaangai' papag ra orou matong.

JISAYA 1:10

Alii ra Jirusalim, tingganai am ulun muno koson boo ra ulun Sodom am Gomora. Rongogo' noyo ragu ru Tuhan no ramuyun. Guango' min pangilaan ri Aki kapuuno' takano.

JISAYA 27:11

Bulintok raan ru puun no mapua' am mapandak, raan-raan no umungon ru ruandu'-ruandu' koson saukon ra luton. Sabap ra bansa' raginio kolondo' atan-atan pangaratian, i Aki Kapuuno' Namangun risilo kalo malubatan kapoam monogom risilo.

JIRIMIA 18:23

Kaa' Okou, iou Tuhan, nakapandai ra ngaangai' ondo' inatang nilo koson mamatoi raki'. Pai' noyo iruo' kasalaan nilo am pai' noyo ampuno' tula nilo. Polosoo' noyo ra ilo maala. Guguang ayuk baalon risilo paat ra Okou sumangit.”

DANIL 6:7

Ginio ra uma' ilo ra raja' am indagu, “Kaayag kono ra sabuoi-buoi no, Raja' Darius!

AMOS 9:7

Indagu Tuhan, “Akau ulun ru Israil, lioon Ku ulun ru Itiopia nogondo' koson ra Aku mampalio ramuyun. Ibiton Ku ulun ru Palistin intor ra Krita am ulun ru Siria intor ra Kir nogondo' koson ra Aku nagibit ramuyun intor ra Misir.

ROMA 9:6

Kalo mindagu aku ra bantu' ri Aki Kapuuno' i kalo nasugut. Kaa' sala' ka ngaangai' bansa' ru Israil pinili' ri Aki Kapuuno',

JAKUBUS 2:13

Sabap ra kalo noyo makaasi' i Aki Kapuuno' ra ulun ondo' kalo makaasi' ra ulun bokon. Kaa' ilo ondo' makaasi' ra bokon, asi' ri Aki Kapuuno' risilo no mauli' poyo intor ra ukum Nano.