MAZMUR 57:2 - Tanou Moonsoi Timugon

² Pakaasi' no raki', iou Aki Kapuuno', pakaasi' no raki', sabap ra maguyum aku ra pamayagan intor Rirun. Nakaalap aku ra sindungan ra saau ru kawo Muno, saboi nakasail noyo bagiu'.

MAZMUR 57:2 ပူးပေါင်းရင်းမြစ်များ

MAZMUR 138:8

Sinugut Mu ngai' bantu' Muno raki'; iou Tuhan, togom Muno mantilayun. Pai' langgai' mangindangan ra ulun-ulun Muno.

MAZMUR 143:9

Matong aku makisindung Rirun, iou Tuhan, bayago' aku intor ra pantula' kuno.

MAZMUR 17:8

Sindungi' aku, koson ra unor ru mato Muno galama'; taubi' aku ra kawo Muno,

MAZMUR 41:5

Mindagu aku, “Iou Tuhan, natulaan aku Rirun; pakaasi' no raki' am babaso' aku no!”

MAZMUR 56:2

Pakaasi' no raki', iou Aki Kapuuno' sabap ra aku binulunsar; pantula'-pantula' kuno mangimbolo' raki' ra moonong bulintok.

JISAYA 26:12

Iou Tuhan, pinasauk Mu akai ra langkaya'; ngaangai' naalap maino ampos intor ra nangindanganan Mu ramon.

JISAYA 26:20

Subol kano ra baloi mino, akau bansa' kuno, am angabi' kulobon. Pansibuni sangkinolor, saboi sangit ru Tuhan luminos.

JISAYA 57:15

Aku noyo i Aki Kapuuno' Ondo' Masawat Kaga' am Matulai Kaga', ondo' maayag ra sabuoi-buoi no. Mayan Aku ra intok masawat am matulai, kaa' mayan Aku niayuk mababaya' ra ulun ondo' minggana' guang am ondo' timinalikur intor ra tula, koson mapatapuli' ra ambiluo am kalansanan nilono.

PILIPI 1:6

I Aki Kapuuno' noyo galama' nanalimpuun ra kandoi moonsoi ralalom ru kaayagan min. Am makakalansanan aku toojo ra Io po niayuk mamparayus ra kandoi ragitio saboi mopongo, suku' ri Jisus Kristus matong saguli'.

PILIPI 2:12

Sabap raginio pabukat ondo' tagamin kuno, koson masalok kau niayuk giminagaya' raki' paat ra aku soroi ramuyun, mulu' poyo gagaya' mino ra raino ti ra itakau nakapaginggalur. Pirot kano mompogogot ra kaansayan ru pamayagan minti, ioginio mansail ra ati kulaan kinapirot ru guang min sumugut am mangurumat toojo ri Aki Kapuuno'.

IBRANI 13:21

Gama' ru mangani' Io ramuyun ra moonong baal moonsoi, koson makapambaal kau ra kasagaan Nano. Gama' ru ralalom ri Jisus Kristus noyo, mampasauk Io ra kasagaan Nano ralalom kaayagan takau. Musiti' takau mongompor ri Kristus ra sabuoi-buoi no! Amin.