MAZMUR 56:10 - Tanou Moonsoi Timugon

¹⁰ Paat ra orou ra pampiawan kuno Rirun, pantula'-pantula' kuno lumukiat. Nakapandai aku ra i Aki Kapuuno' sumaung raki'.

MAZMUR 56:10 ပူးပေါင်းရင်းမြစ်များ

MATIUS 24:35

Limbowon am tana' ti mapuso, kaa' ragu Kutu mantilayun.”

2 PITRUS 1:4

Ginio noyo ralan ri Aki Kapuuno' mangani' ritakau ra barakat ondo' maayo am ondo' kaansayin takau, sumugut ra bantu' Nano. Ralalom ru barakat ti noyo makapagiru' takau intor ra kalaayan malaat ra tana' ti am mokopogondo' boo paliso takau ri Aki Kapuuno'.

IBRANI 6:18

Sabap ri Aki Kapuuno' kalo mapandai magabau, bantu' am ibot Nano kalo maalap kakulau. Intor raginio itakau ondo' nakialung Riso, maikang kalansanan takau ra bantu' Nano suguton No.

MAZMUR 60:6

Napakara' Kou ra ulun ondo' mangurumat Rirun, maa' raginio makalabus intor ra imbolo'.

MAZMUR 56:4

Paat ra aku malaa', iou Aki Kapuuno' Ondo' Maayo Kaga' Kuasa', lumansan aku Rirun.

KASAUKAN 32:11

Makiasi' aku toojo Rirun ra bayagon Mu aku intor maayo kuno i Isau. Malaa' aku ra maaru' matong io pampaluus ramon ngaangai', niayuk ruandu' am lalaing.

2 TUNUNG RU BANSA' ISRAIL 18:31

Paat ra ilo nakakito ra Raja' Josapat, indoson nilo ra io no raja' ru Israil. Ginio ra likar ilo am pamulunsar riso. Kaa' paat ra Raja' Josapat giminolok, Tuhan i Aki Kapuuno' nangindangan riso am pinatingkuang pamulunsaran no ra intok ra bokon.

MAZMUR 118:6

Kalo malaa' aku sabap ra Tuhan mabaya' raki'; atan kia maalap kabaal ru ulun no raki'?

MAZMUR 124:1

Rimbai ru ratangan ri Daut. Ati kulaan amon ru Tuhan no kalo mangindangan ritakau? Taamo', akau Israil!

MAZMUR 124:2

“Amon ru Tuhan no kalo mangindangan ritakau, bulintok ra pantula' mangayou ritakau,