MAZMUR 55:10 - Tanou Moonsoi Timugon

¹⁰ Jojowo' raguon ru pantula' kuno, iou Tuhan, sabap ra giu' ra bandar nakito ku ulun kumuliasai-asai ayuk am lumaat.

MAZMUR 55:10 ပူးပေါင်းရင်းမြစ်များ

2 SAMUIL 15:31

Paat ra Raja' Daut binalaan ra i Agitopil niayuk minaya' gumuor ri Absalom, pakiasi' Raja' Daut, “Iou Tuhan, sulango' bilin ri Agitopil!”

MAZMUR 58:3

Kalo! Malaat ayuk karaan mino, am ra pagun ti masaga' kau mambaal ra kalaatan.

MAZMUR 59:6

Ingkakat no, iou Tuhan i Aki Kapuuno' Ondo' Maayo Kaga' Kuasa', am indangano' aku no; taligamai' ilai', iou Aki Kapuuno' ru Israil! Ingkakat am ukumi' ngaangai' bansa'; pai' pakaasi' ra ulun mangalaat ondo' manumbalik.

YEHEZKIEL 9:4

“Ongoyo' titikop ru bandar Jirusalim am tatandui' rabas ru ngaangai' ulun ondo' mangiluk guang am mapagon sabap ra binaal ondo' makauyuyu' ondo' binaal giu' ra bandar no.”

GOSIA 7:6

Atang malaat nilo koson ra apui ondo' bibilak giu' ra ralalom ru rapuan. Sangit nilo malasu' giu' ra ralalom ru guang buoi ru rondom, am nasauk ra bilak ru apui ondo' nanimbula' ra maayo paat ra susuab ti.

ABAKUK 1:3

Kua polosoo' Mu aku makaliman ra kapaganan koson ragitio? Ati kulaan Kou tumaan guang ra ulun ondo' mambaal ra kalaatan? Katutukan am kalaatan masauk ra libung kuno. Pansangaran am pagansangan masauk ra ati-ati intok.

JUANIS 18:28

Nokorondom ra iosusuab, ibito' nilo i Jisus intor ra baloi ri Kayapas mongoi ra istana ru gabenor. Kaa' tingganai ru Jaudi galama' kalo minumpos ra istana i, koson kalo majamol ilo sumugut ra kaulayan ru ugama nilai, sabap ra masaga' ilo gumulung ra akanon ru Pangiantakan ra Paska.

JUANIS 18:3

Ginio ra i Judas pana minongoi ra giu' i nababaya' ra santayaran saujor Roma am kukula' ngaulun pulis ru Baloi Tuhan, ondo' sinusub ru tingganai imam Jaudi am niayuk ulun-ulun ru Parisi. Ilo ti nagibit ra lentera am titiu am poyo ilang.

RINALATAN 9:24

Kaa' napandayan ri Saulus nangatangan nilo raginio. Orou-rondom nagawang ilo subalan ru bandar i koson mamatoi riso.

1 SAMUIL 19:11

Rondom raginio niayuk, nanusub Raja' Saul ra kukula' ngaulun minongoi ra baloi ri Daut koson mansigo ri Daut, am mamatoi riso ra tampilon ra susuab no. Kaa' i Mikgal, andu' ri Daut, nambala' riso, “Amon ru kalo magiru' kou ra rondom no niayuk, susuab no maaru' potoyon kou.”