MAZMUR 54:1 - Tanou Moonsoi Timugon

¹ Ra tingganai ru santimungan maririmbai. Ondo' sumbayaan ru jitor. Sisindiron ri Daut,

MAZMUR 54:1 ပူးပေါင်းရင်းမြစ်များ

2 TUNUNG RU BANSA' ISRAIL 20:6

am pakiasi' boo ra bolos mosongou, “Iou Tuhan, i Aki Kapuuno' ru kinamatuaan maili, intor ra panturungan Muno giu' ra suruga', namarinta Kou ra bansa'-bansa' ra tana' ti. Okou makakuasa' am maikang kaga'! Kolondo' osoi pana makaanggal Rirun.

MAZMUR 20:1

Ra tingganai santimungan maririmbai. Mazmur ri Daut.

MAZMUR 26:1

Mazmur ri Daut. Anii' aku ra katimpakan, iou Tuhan, sabap ra nambaal aku ra motopot, am mangintopot aku toojo Rirun ralalom ru guang kuno.

MAZMUR 48:10

Iou Aki Kapuuno', ralalom ru Baloi Muno, guangon mai togom Muno.

MAZMUR 79:9

Indangano' akai no, iou Aki Kapuuno', mamamayag ramon; ralalom ru katulayan Muno galama', bayago' akai no am ampuno' noyo tula mai.

MAZMUR 99:4

Okou Raja' ondo' maikang, tinogom Mu ukum; pinabigor Mu katimpakan giu' ra Israil, pinaugar Mu ukum am katimpakan.

KAINGKUALAN 23:21

Iningo' noyo am gagayaa' io. Pai' guor riso sabap ra io no sinusub Kuno. Kalo mangampun io ra guor koson raginio.

AMSAL 18:10

Tuhan koson ra manara ondo' mapiot; ra giu' no ulun mabanis guang makitaak ra panindungan.

AMSAL 23:11

Tuhan, manunungka' ondo' maikang, manungka' risilo am manggal ramuyun.

JISAYA 30:27

Kuasa' am katulayan ru Tuhan makito intor ra maalur. Apui am lisun tatandu' ra kasangitan Nano. Bulintok ra Io mindagu, ragu no sumuru koson ra apui.

JIRIMIA 50:34

Kaa' Io ondo' mamayag risilo no maikang; inggalan Nano iono Tuhan Ondo' Maayo Kaga' Kuasa'. Io galama' mirot toojo mangampin ra baal nilo, am magibit ra kaansayan ra tana' ti, kaa' mamparatong ra kapaganan ra ulun ru Babilonia.”

MATIUS 1:21

Ginio ra maganak i Maria ti sangulun anak ungkuyon am inggalanin mu Io no i Jisus, sabap Io ti mamayag ra ulun Nano intor ra tula nilono.”

MATIUS 1:23

“Maapang ralaa ti am maganak io ra sangulun anak ungkuyon am inggalanin anak ti ri Imanuil.” (Sumugut ra ragu ru ulun ru Ibrani, Imanuil arati' no, “I Aki Kapuuno' mabaya' ritakau.”)

MATIUS 10:21

“Mokoondo' ulun mampataak ra pinongkotob nano galama' koson ra potoyon, am ama' pana mambaal niayuk koson raginio ra anak nano. Mokoondo' anak manggal ra matuo nano saboi pataakon nilo ra potoyon.

RINALATAN 4:12

Ralalom inggalan ri Jisus ulun bayagon, sabap ra giti ra tana' ti kolondo' ulun ra bokon makaalap ra kuasa' intor ri Aki Kapuuno' koson mamayag ritakau.”

1 SAMUIL 26:1

Sangarawan raginio kukula' ngaulun intor ra Jiip timinuum ra Raja' Saul giu' ra Gibia. Nambala' ilo ra Raja' Saul ra nansibuni i Daut giu' ra Bulur Gakila, giu' ra igig ru tana' kaagisan Jiuda.