MAZMUR 52:3 - Tanou Moonsoi Timugon

³ Okou ulun maikang, kua pamanggo kou ra kalaatan muno ra ulun ondo' tagamin ri Aki Kapuuno'?

MAZMUR 52:3 ပူးပေါင်းရင်းမြစ်များ

MAZMUR 62:4

Saboi sanggilan akau ngaangai' mongoi pangayou ra sasangulun ondo' kalo maikang koson ra pagar matikaaba', am koson ra rinding nantiging?

AMSAL 21:10

Ulun malaat guangon nilono kalaatan ayuk; kalo makaasi' ilo ra osoi-osoi ayuk pana.

JIRIMIA 4:22

Indagu Tuhan, “Sasambungon ulun Kuno; kalo makaulig ilo Raki'. Koson ilo ra lalaing sasambungon, kolondo' karatian nilo. Mapandai ilo toojo mambaal ra malaat, kaa' mailo mambaal ra moonsoi.”

JIRIMIA 9:8

Rila' nilo koson ra panah ondo' makapatoi; kalo lulumonggo' ilo magabau. Ragu nilono maamis ra mangambi', kaa' sotopot no nampakaang ilo ra pampalandak.

MIKA 3:2

kaa' masisang kau ra kaansayan am masaga' ra kalaatan. Ngaangai' bansa' Kuno iningkulitan min, am bininsang kual nilo intor ra bungul.

JUANIS 8:44

Tingganai ru riwato no ama' min am maayo guang min gumagaya' ra kasagaan nano. Naintaran ra galing i, mamamatoi io ayuk am kalo igondo' giminagaya' ra katapatan, sabap ra kolondo' katapatan riso. Paat ra io magabau, maya' io ayuk ra paliso nano, sabap ra io no maabau-abau, am puun io ru ngaangai' abau.

ROMA 1:25

Pangilaan motopot intor ri Aki Kapuuno' aligin nilo boo ra abau. Maansayan ilo sumamba am mongompor ra atan ondo' sinauk ri Aki Kapuuno' ka i Aki Kapuuno' galama', ondo' sotopot no omporon ra sabuoi-buoi no! Amin.

2 TIMOTIUS 3:4

Ilo mapandai mamparuung, jajajou am masumbung ayuk. Ilo maansayan ayuk ra katasuan ru kaayagan nilo galama', intor monogom ri Aki Kapuuno'.

PINAINTALANG 22:15

Kaa' ulun mambaal ra makauyuyu' am majamol, ulun makakapandayan malaat, mansasawa', mamamatoi, ondo' sumamba ra sinungkalalaing, am ulun magagabau – iou pana maya' ra ragu kapoam binaal nano; ngaangai' ulun ragitio intok nilo ra liwar ru bandar no.