MAZMUR 51:18 - Tanou Moonsoi Timugon

¹⁸ Kalo masaga' Kou ra taak simbalui ra pinataak; amon mapataak aku ra taak simbalui koson mapabansuk ra guang Muno, Okou pana kalo maansukan.

MAZMUR 51:18 ပူးပေါင်းရင်းမြစ်များ

NIGIMIA 2:17

Kaa' indagu aku boo risilo, “Ilai' baal takau ondo' naimbolo' ti! Bandar ru Jirusalim soroi ayuk boo lunsai no am kulobon-kulobon garabang no ondo' napuso nosolob ru apui. Ibok baalo' takau saguli' timbok ru bandar maa' raginio kalo boo asabin takau.”

MAZMUR 102:16

Ngaangai' ru bansa' no malaa' ra Tuhan; ngaangai' raja' ru tana' ti malaa' ra kuasa' Nano.

MAZMUR 147:2

Tuhan napatapuli' ra Jirusalim; Ibiton No ulun ru Israil sumaguli' intor ra namatiran.

MAZMUR 25:22

Iou Aki Kapuuno', bayago' noyo ulun Muno, Israil, intor ra nansalinut kapaganan nilono.

MAZMUR 40:7

Kalo masaga' Kou ra taak simbalui am niayuk taak; kalo makitaak Kou ra taak simbalui koson mapabansuk ra guang Muno, am taak simbalui koson mamuso ra tula. Kaa' nanaak Kou raki' ra talingo ondo' mokorongog ra ragu Muno.

MAZMUR 69:35

Omporo' noyo i Aki Kapuuno', akau limbowon am tana', raat am ngaangai' ilo ondo' maayag ra ralalom nano!

JISAYA 51:3

“Jirusalim, bansukon Tokou, am ngaangai' ondo' minayan ra napuutan Muno. Padang-padang muno ra mapua' saukon Ku ra taman, koson ra Idin, taman Kuno ra malabung. Giu' no ulun maantak am maansukan, am maringkuanang ra marimbai-rimbai.

JISAYA 58:12

Bandar ondo' lair noyo nasauk ra tuntur ru napuutan baalon min sagulio' ra nambaalan lair. Piawon kau ra ‘Bansa' ondo' nambaal saguli' ra timbok-timbok am nambaal saguli' ra baloi-baloi ondo' natutuk.’ ”

JISAYA 62:1

Sabap ra Jirusalim mindagu aku; kalo mongkoror aku saboi ra Jirusalim bayagon, am kamanangan no makatampulau koson ra pilasut bulintok molondom.

JIRIMIA 51:50

Indagu Tuhan ra ulun Nano giu' ra Babilonia, “Nakalabus kano intor ra kapatayan. Raino pagiru' kau! Pai' kano paginaa! Kabalu' pana maalur kau intor ra baloi, karaa' min Aku, Tuhan min, am karaa' min Jirusalim.

DANIL 9:25

Guango' am aratio' baal ragitio: Intor ra jam ru susuban pinaingkual koson mambaal saguli' ra Jirusalim, saboi ra ratangan ru tingganai ondo' pinili' ri Aki Kapuuno', buoi nano iono intulu' tulu' ngambilor. Jirusalim baalon saguli' ra ralan-ralan maayo am pangampinan ondo' maikang, am tumaan buoi intulu' onom ngoopor am ruo ngambilor, kaa' paat raginio nososok ra kapaganan.

MIKA 6:7

Mangapu kia Tuhan amon pataakon ku Riso kukula' ngaribu domba, kapoam umau jaitun ondo' masuang kaga'? Musiti' kia pataakon ku Riso lalaing katuaan kuno sabap ru tula kutu?

MIKA 7:11

Mamagun ru Jirusalim kau ngai', bulintok koson mambaal saguli' ra timbok-timbok ru bandar nasuku' noyo. Paat raginio intok min kalangkaan.

JAKARIA 2:5

Tuhan nambantu' ra Io galama' masauk ra timbok ru apui ondo' lumibung ra bandar no koson manindung riso, am mayan Io ra giu' ra ngaangai' ru katulayan Nano.”

LUKAS 12:32

“Pai' kau kalaa', kabalu' pana kalo masuang kau, sabap ra i Ama' min masaga' mangani' ramuyun ra barakat ru pamarintaan Nano.

IPISUS 1:5

Sabap ra togom Nano, inaru' noyo ri Aki Kapuuno' ra ralalom ri Jisus Kristus itakau saukon ra anak-anak Nano. Gitio noyo sotopot no kasagaan Nali.

IPISUS 1:9

Itakau noyo napaintalangan no ra ondo' kalo igondo' pinabala', ioginio inatang no kalalair i, koson ralalom ri Kristus ginio pinongo.

PILIPI 2:13

Sabap ri Aki Kapuuno' no galama' magibit ra guang mino mangiou am poyo magagaya' min niayuk atan ondo' kasagaan Nano toojo.

2 TISALONIKA 1:11

Ginio sabap ra masalok makiasi' akai ri Aki Kapuuno' koson mampasauk ramuyun ra ulun ondo' maaya' ra pampiawan Nano. Gama' ru mabaya' ra kuasa' Nano, i Aki Kapuuno' makasauk ra kasagaan min mambaal ra moonsoi am mampaukop ra ngaangai' kinapirot ru pangintapatan min.