MAZMUR 51:17 - Tanou Moonsoi Timugon

¹⁷ Indangano' aku mindagu, iou Tuhan, am omporon Tokou.

MAZMUR 51:17 ပူးပေါင်းရင်းမြစ်များ

2 RAJA'-RAJA' 22:19

am okou pana timinalikur intor ra tula am mininggana' kou ra saang Kuno. Rinilak mu bayang muno am niayuk nantangi' paat ra okou nangkirongog ra lolob Kuno ra Jirusalim am mamagun nano. Mangukum Aku ra Jirusalim ra masaran saboi inggalan nano masauk ra rondo' ulas, kaa' nokorongog Aku noyo ra pakiasian muno.

MAZMUR 102:17

Amon Sion no baalon saguli' ru Tuhan, pabalaan No katulayan Nano.

MAZMUR 107:22

Musiti' no maringkuanang ilo Riso am mapataak ilo ra taak simbalui, am mapatanou ra binaal Nano ralalom ru rimbai-rimbai maansukan.

MAZMUR 147:3

Namali' Io ra guang ru ulun ondo' nagagai guang, am tinapisan No pilat nilono.

MAZMUR 22:24

Koompor noyo Io, akau ngaangai' ulun mangintopot ra Tuhan! urumato' min Io, akau ngaangai' papag ri Jakub; sambaa' min Io, akau ngaangai' ulun ru Israil!

MAZMUR 34:18

Amon ulun ra motopot mampiau, mangkirongog Tuhan no am mamayag risilo intor ra ngaangai' kapaganan.

KAINGKUALAN 37:22

Pumput-pumput, pango-pango am tampakan ra lampung, ngaangai' no binaal intor ra sampila' mas kopoyo inamar.

JISAYA 57:15

Aku noyo i Aki Kapuuno' Ondo' Masawat Kaga' am Matulai Kaga', ondo' maayag ra sabuoi-buoi no. Mayan Aku ra intok masawat am matulai, kaa' mayan Aku niayuk mababaya' ra ulun ondo' minggana' guang am ondo' timinalikur intor ra tula, koson mapatapuli' ra ambiluo am kalansanan nilono.

JISAYA 66:2

Aku galama' namangun ra tana' ti. Maansayan Aku ra ulun minggana' guang am tumalikur ra tula, ondo' malaa' am gumagaya' Raki'.

YEHEZKIEL 9:6

Potoyo' ulun matutuo, buayoi, ralaa, ina' am lalaing-lalaing. Kaa' pai' guuto' sangulun pana ondo' makatatandu' ra rabas. Intarin ra giti, intor ra Baloi Kutu.” Ginio ra tinalimpuunan nilo kandoi am namatoi ra tingganai-tingganai ondo' minigor giu' ra Baloi ru Tuhan.

AMOS 5:21

Indagu Tuhan, “Masisang Aku am mampalua' ra pangiantakan ru ugama min; nasuraan Aku magilong raginio!

MATIUS 5:3

“Pakaansuk noyo ulun ondo' makapandai ra ilo masuang tula, sabap ra ilo no ulun ri Aki Kapuuno'.

MARKUS 12:33

Ulun musiti' motogom ri Aki Kapuuno' ra topot-topot ru guang, kaayagan, pangkaraan am niayuk ikang nano. Io niayuk musiti' motogom ra ulun ra bokon koson io motogom ra inan galama'. Gumagaya' ra panusuban ra ruo ti maatang kaga' intor ra mampataak ri Aki Kapuuno' ra taak simbalui solobon am niayuk taak-taak simbalui ra bokon.”

LUKAS 15:10

Balain takamin: Koson niayuk ra malaikat ri Aki Kapuuno' maansukan sabap ra sangulun makatula tumalikur intor ra tula nano.”

ROMA 12:1

Pabukat kau ngaangai', sabap ra i Aki Kapuuno' makaasi' ritakau kitaakon takamin tojojo: Patimpoko' noyo kaayagan mino ri Aki Kapuuno' ayuk koson ra rondo' taak ondo' maayag, am ginio noyo mapabansuk Riso. Ginio noyo bayaan ra matanda' sumamba ri Aki Kapuuno'.

PILIPI 4:18

Am raino suang ru pinataak min raki' i, mauli' poyo toojo intor ra kaukapan kuno. Am ngaangai' no pinasuku' noyo raki' ri Ipaproditus. Ondo' pinataak mino raginio, mogondo' ra taak maamis owou, am koson ayuk ra taak simbalui pataakon ri Aki Kapuuno' ondo' mampakatasu' ra guang Nano.

IBRANI 13:16

Pai' kano pakalilian mambaal ra moonsoi am mangindangan ra rondo' am bokon, sabap raginio noyo koson ra taak simbalui ondo' mapabansuk ra guang ri Aki Kapuuno'.

1 PITRUS 2:5

Akau pana mogondo' ra batu naayag. Ginio ra polosoo' noyo kaayagan min alapon ru Ambiluo ri Aki Kapuuno' mambaal ra Baloi Tuhan. Bagu masauk kau koson ra imam Nano ondo' mapasau, am sabap ri Jisus Kristus makapangani' kau ri Aki Kapuuno' ra taak ondo' iowon Nano, maya' ra indangan ru Ambiluo Nano.