MAZMUR 51:15 - Tanou Moonsoi Timugon

¹⁵ Aku pana mangila' ra panusuban Muli ra ulun makatula, maa' raginio sumaguli' ilo Rirun.

MAZMUR 51:15 ပူးပေါင်းရင်းမြစ်များ

KASAUKAN 44:16

Taam i Jiuda, “Tuan, atan kia paraguon mai rirun? Atan koson kia akai mansang? Atan koson kia akai magisaung? Pinatalang noyo ri Aki Kapuuno' sala maiti. Raino, akai ngaangai' ti ulipon muno am sala' ka ayuk ra ulun ondo' narampatan makasangkir raginio.”

MAZMUR 119:13

Tunungon ku ngaangai' ukum ra pinataak Muli.

MAZMUR 9:14

Pakaasi' no raki', iou Tuhan! Ilai' noyo, pantula' kuno ondo' mangimbolo' raki'. Bayago' aku no intor ra kapatayan, iou Tuhan,

KAINGKUALAN 4:11

Indagu boo Tuhan ri Musa, “Osoi kia mangani' ra ulun ra kabang? Osoi kia mopobobou kapoam mapabarat ra ulun? Osoi kia mapakito kapoam mopobolou ra ulun? Aku, Tuhan.

YEHEZKIEL 16:63

Ampunon Ku ngaangai' kasalaan muno, kaa' karaan mu boo ginio am totopot mauyu' saboi kalo baani kou mangukab ra kabang.” Tuhan Raja' nakaindagu noyo.

YEHEZKIEL 29:21

Paat ra masauk baal raginio, saukon Ku ulun ru Israil ra bansa' ondo' maikang. Baalon Tokou Yehezkiel, mindagu risilo, maa' raginio makapandai ilo ra Aku noyo Tuhan.”

YEHEZKIEL 3:27

Paat ra Aku mindagu poyo rirun, am niayuk mangiou rirun mindagu saguli', musiti' kou mambala' risilo ra atan ondo' rinagu Kuno, Tuhan Raja'. Santayaran ulun rumongog, kaa' santayaran poyo kalo, sabap ilo totopot bansa' ra gugumuor.”

YEHEZKIEL 33:11

Balai' ilo ra sabap ra Aku, Tuhan Raja', i Aki Kapuuno' ondo' maayag, kalo masaga' Aku magilong ra ulun makatula matoi. Masaga' Aku poyo magilong ra ilo tumalikur intor ra tula am maayag. Akau Israil, langgai' noyo mambaal ra tula! Kua kasaga' kau matoi?

MATIUS 22:12

Kuati' no boo ulun no, ‘Rangan, ati kulaan nakasubol kou ra kalo mambayang kou ra bayang moonsoi toojo?’ Ulun ti nongkoror.

MARKUS 7:34

Kopongo raginio pantingaa' am pampalaa i Jisus am indagu ra ulun no, “Effata!” Ondo' arati' no “Kaukab no!”

ROMA 3:19

Ginio ra raino mapandayan takau noyo ra ngaangai' ondo' tinulisan ra Ukum i, pasukuon risilo ondo' gumagaya' ra Ukum no. Kolondo' sasaban boo ru sangulun pana am ngaangai' ulun ru tana' ti maukum ri Aki Kapuuno'.

IBRANI 13:15

Ginio ra ralalom inggalan ri Jisus, kasalok takano pongompor ri Aki Kapuuno'; gitio noyo koson ra taak simbalui koson paringkuanangan ondo' mangiou ra Io no Tuhan takau.

1 SAMUIL 2:9

“Manindung Io ra kaayagan ru ulun Nano ondo' gumagaya', kaa' ulun malaat mapuso ralalom ru molondom kaga'. Ra kaikangan galama', ulun kalo makasugut.