MAZMUR 51:13 - Tanou Moonsoi Timugon

¹³ Pai' aku inggalari' ra ratangan Muno; pai' alapo' Ambiluo Matulai Muno intor raki'.

MAZMUR 51:13 ပူးပေါင်းရင်းမြစ်များ

2 RAJA'-RAJA' 17:18

Siminangit Tuhan ra ulun ru Israil saboi pinatiran ilo intor ra tana' ondo' tinaakan Nali risilo; ondo' soroi ayuk am pamarintaan ru Jiuda.

2 RAJA'-RAJA' 17:20

Inimpayan ru Tuhan ngaangai' ulun ru Israil. Nangukum Io risilo am pinataak ra pantula' ondo' malaat, saboi pupus no pinatiran No ilo intor ra tana' ondo' tinaakan Nano risilo.

2 RAJA'-RAJA' 17:23

Pupus no namatir Tuhan risilo intor ra tana' ondo' tinaakan Nano risilo. Baal raginio nasauk nontopot ra pinakara' ondo' tinaakan ru Tuhan ra ulipon-ulipon Nano. Ginio ra ulun ru Israil pinatiran giu' ra Asyur, intok inayanan nilo saboi raino.

MAZMUR 19:7

Mato ru orou minsir intor ra pompor am muli' ra pompor. Kolondo' rondo' pana makasindung intor ra lasu' nano.

MAZMUR 22:27

Ulun balabag mangkan am maasug; ilo ondo' matong ra Tuhan mongompor Riso. Gama' lumangkaya' ilo ra sabubuoi no!

MAZMUR 25:4

Ilaa' aku no ra atan kasagaan Muno, iou Tuhan, pabalaa' noyo atan kia sotopot no baalon kuno.

MAZMUR 25:8

Sabap ra Tuhan no moonsoi am matimpok, tuluin No ulun nakalayau no ra ralan.

MAZMUR 32:5

Iowon ku boo tula kuno Rirun; kalo alion ku nasalaan ondo' binaal kuli. Nalantas noyo guang kuno koson mangiou ra tula kuli Rirun, am ampunon Mu ngaangai' nasalaan kuno.

JISAYA 2:3

am mindagu ilo, “Ongoi takano ra bulur ru Tuhan, ra baloi ri Aki Kapuuno' ru Israil. Mangila' Io ritakau ra atan kasagaan Nano; am maya' takau ra ralan ondo' pinili' Nano, sabap pangilaan ru Tuhan intor ra Jirusalim; intor ra Sion Io mindagu ra ulun Nano.”

JISAYA 6:10

Indagu Io boo raki', “Ngongolo' pangkaraan ru ulun ti, barato' talingo nilono am bolowo' mato nilono maa' raginio kalo makakito ilo, kapoam mokorongog, kapoam makarati'. Amon kalo koson raginio, maaru' lair sumaguli' ilo Raki' am babason.”

JIRIMIA 31:18

Nokorongog Aku ra ulun ru Israil mindagu ra malumpus kaga', ‘Iou Tuhan, koson akai ra anak ru sapi' ondo' kalo poyo pinakaup, kaa' nangila' Kou ramon maa' raginio gumagaya' akai. Ibito' akai sumaguli'; nakatampos akai no sumaguli' Rirun, sabap Okou no Tuhan, i Aki Kapuuno' mai.

MATIUS 18:3

Indagu boo i Jisus, “Karaa' min! Amon ru kalo kumulau am sumauk kau koson ra lalaing ti, kalo masauk kau ra ulun ri Aki Kapuuno'.

LUKAS 22:32

Kaa' nakiasi' Aku noyo ra pangintapatan muno kalo malawo. Ra okou sumaguli' Raki', okou tupo niayuk mampaikang ra pangintapatan ru pabukat-pabukat muno.”

RINALATAN 13:10

am indagu, “Okou no anak ru Tingganai ru riwato! Okou pantula' ru ngaangai' moonsoi. Mototop kou ra ruung malaat am manumbalik kou ra pangilaan motopot intor ra Tuhan!

RINALATAN 15:3

Ginio ra ulun Kristian ra Antiokia nompoongoi noyo risilo ra Jirusalim. Minapit ilo poyo ra Pinisia am Samaria. Pakasuku' ilo ra giu' i, pantunung ilo ra ati kulaan ulun sala' ka Jaudi nangintopot noyo ri Aki Kapuuno'. Tanou ragitio nampakaansuk toojo ra guang ru ulun Kristian ondo' soroi ra giu' i.

RINALATAN 3:19

Ginio nai ra, talikur kano intor ra tula mino am saguli' kano ri Aki Kapuuno', maa' raginio pusoon No ngaangai' tula mino.