MAZMUR 51:10 - Tanou Moonsoi Timugon

¹⁰ Polosoo' aku mangkirongog ra bolos kasagaan am kaansukan, maa' raginio guang kuno ra tutukon am umokon Muno, maansukan saguli'.

MAZMUR 51:10 ပူးပေါင်းရင်းမြစ်များ

MAZMUR 24:4

Ulun ondo' mabanis pampaguangan am moonsoi pangkaraan, ondo' kalo sumamba ra sinungkalalaing, kapoam mambaal ra bantu' ra magabau.

MAZMUR 35:10

Mabaya' ra sotopot-topot ru guang mindagu aku ra Tuhan, “Kolondo' gumondo' Rirun. Pinalabus Mu ulun lamumu' intor ra ulun maikang, ulun musikin am naimbolo' intor ra nangimbolo' risilo no.”

MAZMUR 73:1

Mazmur ri Asap. Moonsoi toojo i Aki Kapuuno' ra ulun ru Israil, ilo ondo' makaguang mabanis.

MAZMUR 78:37

Kalo gumagaya' ilo Riso; kalo ginuut nilo nabantuan nilo ri Aki Kapuuno'.

MAZMUR 78:8

Kalo masauk ilo koson ra kinamatuaan nilai, ulun ondo' masalok malasu' guang am kalo gumagaya'; pangintapatan nilono kalo mapiot, am kalo gumagaya' ilo ri Aki Kapuuno'.

AMSAL 20:9

Makakau' kia ulun mindagu ra sotopot-topot no ra guang nilono mapasau, am tula nilono inampun?

JIRIMIA 13:27

Nakakito Io ramuyun nambaal ra baal-baal ondo' kasisangin Nano. Nakakito Io ramuyun nangilou ra dewa-dewa giu' ra bulur am giu' ra padang, koson ra sangulun ungkuyon malaai ra andu' ru ulun bokon kapoam koson ra sanginan kuda gawayan makimampaa' ra kuda ruandu'. Mamagun kau ru Jirusalim, malumpa' kau ru karaat! Sanggilan kia akau maaya' sumambayang poyo Raki'?

JIRIMIA 32:39

Aniin Ku ilo ra rondo' kuayan ru kaayagan: koson mangurumat Raki' ra sabubuoi no koson ra kaatangan nilo galama' am papag nilo.

YEHEZKIEL 11:19

Aniin Ku ilo ra guang am pangkaraan ondo' bagu. Aligin Ku guang nilo ondo' mokotog koson ra batu, ra guang ondo' gumagaya'.

YEHEZKIEL 18:31

Tatango' ngaangai' kalaatan ondo' baalon min, am polosoo' pangkaraan am guang min masauk ra baguon. Kua kia ramuyun, ulun ru Israil masaga' ra matoi?

YEHEZKIEL 36:37

Indagu Tuhan Raja', “Igondo' poyo iowon Ku ulun ru Israil makiindangan Raki', am ruangin Ku suang nilo koson ra sampanon ru domba.

MATIUS 5:8

Pakaansuk noyo ulun ondo' mapasau guang, sabap ra makakito ilo ri Aki Kapuuno'.

RINALATAN 11:23

Paat ra io nakasaboi ra giu' i, nakakito io ra ati kulaan i Aki Kapuuno' nambarakat ra ulun ra giu' no am naansukan io. Panusub io risilo gumagaya' toojo ra Tuhan.

RINALATAN 15:9

I Aki Kapuuno' kalo manginggi' ra osoi ayuk pana; ulun ru Jaudi kia kapoam sala' ka Jaudi. Ampunon No niayuk tula nilai sabap ra mangintopot ilo.

ROMA 12:2

Pai' min tiluo' kiralan ru ulun ondo' kalo mangintopot ra Tuhan, kaa' polosoo' noyo pamaguangan mino talimbaguin ri Aki Kapuuno'. Intor raginio makatutun kau boo ra kasagaan ri Aki Kapuuno', ioginio, atan ondo' moonsoi, ondo' mampakaansuk Riso am poyo ondo' matanda'.

1 KORINTUS 15:58

Pabukat kau ngaangai' ondo' tagamin ku, ingkotog kano am ikango' toojo pangintapatan mino. Pirot kano pangandoi ra Tuhan, sabap ra nakapandai kano ra kandoi mino Riso kalo noyo malubat.

2 KORINTUS 5:17

Paat ra sangulun masimpung ri Kristus, masauk io ra ulun baguon; ondo' lairon i napuso, malit boo baguon.

IPISUS 2:10

I Aki Kapuuno' noyo nambaal ritakau, am sabap ra pasimpungan takau ri Kristus Jisus, nangatang Io ra kiralan ru kaayagan takau koson mambaal ra moonsoi. Gitio ondo' tinampos no kalalair ra pabaalin ritakau.

KOLOSI 3:10

Raino inanian kau ra kaayagan bagu. Akau noyo ulun bagu ondo' masalok talimbaguin ri Aki Kapuuno' koson makatilu ra paliso Nano. Arati' no makaintutun kau bagu toojo ri Aki Kapuuno'.

TITUS 3:5

namayag Io ritakau. Ginio pai' ru intor ra binaal takau ra moonsoi, kaa' intor ra asi' Nano galama'. Mamayag i Aki Kapuuno' ritakau mansail ra Ambiluo Nano, bagu inanak takau saguli' am inanian No itakau ra kaayagan bagu mansail ra pampariwan.

JOSUA 14:14

Saboi raino Gibron lakat poyo linonggom ru papag ri Kalib anak ri Jipuni, ulun ru Kinas no, sabap giminagaya' io toojo ra Tuhan i Aki Kapuuno' ru ulun ru Israil.

1 PITRUS 1:22

Sabap ra gumagaya' kau ra pangilaan ri Aki Kapuuno' ti noyo, migimpasau kano, saboi mokoponogom kau boo ra pabukat min ra Kristian. Intor raginio, tagami' noyo rondo' am bokon mabaya' ra guang mapasau.