MAZMUR 51:1 - Tanou Moonsoi Timugon

¹ Ra tingganai ru santimungan maririmbai. Mazmur ri Daut

MAZMUR 51:1 ပူးပေါင်းရင်းမြစ်များ

2 SAMUIL 11:2

Paat ra samai', kalupus Raja' Daut siminukal ra nombolong, minongoi io ugar-ugar ra taap ru istana ondo' marata'. Intor ra giu' no naimpal no sangulun ruandu' tatanga' mariu', am mantalur kaga' ruandu' no.

NIGIMIA 4:5

Pai' ampuno' kalaatan nilo, am pai' liliani' tula nilo, sabap nagasab ilo noyo ramon ondo' tatanga' mambaal ra timbok ti.”

MAZMUR 106:45

Koson ra kaansayan nilo, karaan No nabantuan Nano, sabap ra togom Nano ra maayo, monogom Io risilo.

MAZMUR 106:7

Bulintok giu' ra Misir kinamatuaan maili kalo nakarati' ra atan binaal Nano ondo' makaimuag; nalilianan nilo togom Nano ondo' lumuab, am lumaat ilo gumuor ra Io Ondo' Maayo Kaga' Kuasa' giu' ra Raat Galaga.

MAZMUR 109:21

Kaa' indangano' aku, iou Tuhan Raja', sumugut ra bantu' Muno, am bayago' aku sabap ra togom am kinoonsoi Muno.

MAZMUR 119:124

Pasauko' aku no sumugut ra togom Muno, am ilaa' aku no ra panusuban Muno.

MAZMUR 145:9

Moonsoi Io ra moonong ulun, am makaasi' ra ngaangai' binaal Nano.

MAZMUR 4:1

Ra tingganai santimungan maririmbai. Ondo' sumbayaan ru jitor. Mazmur ri Daut.

MAZMUR 40:11

Kalo buliin ku tanou pamayagan raginio ralalom ru guang, masalok aku mantunung ra indangan am gagaya' Muno. Ralalom pantitimungan ru ulun Muno, kalo igondo' aku pongkoror intor ru gagaya' am togom Muno.

MAZMUR 5:7

Pusoon Mu ngaangai' ulun magabau, am magasab ra ulun mamamatoi am mamparuung.

MAZMUR 51:9

Isasi' aku no, am masauk aku ra mapasau; bagui' aku no, am mapulak aku poyo intor ra gapas.

MAZMUR 69:13

Bulintok ra ilo mantitimung mansunur ilo raki', am rimbayon ru ulun magauk pana mansunur raki'.

MAZMUR 69:16

Pai' polosoo' liur no mangabas raki'; pai' aku polosoo' molosor ra lonor ru raat, kapoam malinjob ra ralalom ru lobong.

MAZMUR 77:9

Kalo kia boo monogom Io ritakau? Kalo kia boo suguton No bantu' Nali?

JISAYA 43:25

Kaa' Aku ti i Aki kapuuno' ondo' mangampun ra tula mino, am Aku mambaal koson raginio sabap ginio noyo paliso Kuno. Kalo karaan Ku tula mino.

JISAYA 44:22

Pinuso Ku ngaangai' tula mini koson ra gaun inibit ru angin. Saguli' kano Raki', sabap ra Aku noyo namayag ramuyun.”

JISAYA 63:15

Iou Tuhan, indukui' akai no intor ra suruga', intok inayanan Muno ondo' mapasau am matulai. Ati boo togom am katulayan Muno? Ati boo togom am kaasian Muli? Pai' oroto' ginio ngaangai' ramon.

JISAYA 63:7

Tunungon ku togom ru Tuhan; omporon ku Io sabap nansalinut binaal Nano. Binarakat No ulun ru Israil saboi liminuab sabap ra asi' am togom Nano kolondo' pupus.

JIRIMIA 18:23

Kaa' Okou, iou Tuhan, nakapandai ra ngaangai' ondo' inatang nilo koson mamatoi raki'. Pai' noyo iruo' kasalaan nilo am pai' noyo ampuno' tula nilo. Polosoo' noyo ra ilo maala. Guguang ayuk baalon risilo paat ra Okou sumangit.”

SULABOI 3:32

Kabalu' pana porotongon No kaimbalaan ritakau, magulayun Io motogom ritakau ra togom ondo' kolondo' polos.

DANIL 9:18

Rongogo' akai no, iou Aki Kapuuno'; tantangi' akai no, am ilai' kapaganan mai. Ilai' kaimbalaan ru bandar ondo' sabiton ra inggalan Muno. Makiasi' akai Rirun sabap ra maayo guang Muno makaasi' am sala' ka sabap ra binaal moonsoi mai.

DANIL 9:9

Maayo guang Muno makaasi' am mangampun, kabalu' pana giminuor akai Rirun.

RINALATAN 3:19

Ginio nai ra, talikur kano intor ra tula mino am saguli' kano ri Aki Kapuuno', maa' raginio pusoon No ngaangai' tula mino.

KOLOSI 2:14

Ginio nai ra linulu' ri Aki Kapuuno' ukum ru ngaangai' tula min i ra Io napapaku' risilo ra salip ri Kristus.