MAZMUR 50:5 - Tanou Moonsoi Timugon

⁵ Mindagu Io, “Luluro' min noyo ulun Kuno ondo' gumagaya', ondo' mangirot ra nabantuan Raki' am piniot poyo ra taak simbalui.”

MAZMUR 50:5 ပူးပေါင်းရင်းမြစ်များ

MAZMUR 30:4

Mansawai Kou raki' mongoi ra kapatayan, am napalabus raki' intor ra intokon ru ngaangai' ulun ondo' namagatoi.

MAZMUR 97:10

Motogom Tuhan ra ulun ondo' masisang ra kalaatan; sindungin No kaayagan ru ulun Nano, am mamayag risilo intor ra kuasa' ru ulun malaat.

AMSAL 2:8

Ampinin No ulun ondo' mabanis guang, mangampin ra ulun ondo' gumagaya' Riso.

JISAYA 13:3

Tuhan nampiau ra saujor-saujor pinili' Nano. Mangaikang ilo, mintopot guang, am kalansanan Nano. Kandoi nilono intor ra Tuhan koson mangukum ra ulun ondo' natiu' ra sangit Nano.

JAKARIA 14:5

Magiru' kau mansail ra limayak ondo' nampalapak ra bulur no. Magiru' kau koson ra kinamatuaan min ragili paat nasauk tana' mogonggon bulintok ra pamarintaan ri Ujia, raja' ru Jiuda. Tuhan, i Aki Kapuuno' kuno matong mababaya' ra ngaangai' malaikat Nano.

MATIUS 24:31

Bujung maayo samputin kosongowon am manusub Io ra malaikat-malaikat Nano mongoi ra ngaangai' pamagunan ru tana' ti, am manimung ilo ra ulun pinili' intor ra titikop ru tana' ti.”

MATIUS 26:28

Sabap ra gitio noyo raraa' Kutu ondo' mampainono' ra nabantuan ri Aki Kapuuno', ioginio raraa' Kuno ondo' pasasaron, maa' raginio tula ru masuang ulun ampunon.

1 TISALONIKA 3:13

Maa' raginio mampaikang Io ramuyun, saboi guang mino mapasau am kolondo' sala ra pagilangan ri Aki Kapuuno', Ama' takau, paat ra ratangan ru Tuhan takau, i Jisus, mabaya' ra ngaangai' ulun Nano.

2 TISALONIKA 2:1

Koson ra ratangan ru Tuhan takau, i Jisus Kristus, am pantimungan takau mongoi simpung Riso, pabukat kau ngai' kitaakon takamin:

IBRANI 12:24

Mininggaar kau ri Jisus ondo' nampasauk ra nabantuan nakabagu ti, am pinatayan Nali magibit ritakau mobonsoi ri Aki Kapuuno', sala' ka koson ra pinatayan ri Abil ra galing i ondo' makimambalos.

IBRANI 13:20

I Aki Kapuuno', ondo' puun ru pabansayan, namayag noyo saguli' ra Tuhan takau i Jisus intor ra kapatayan. I Jisus noyo koson ra Magagalung Maayo takau domba Nano. Pinatayan Nano noyo ondo' nangaru' Io ritakau ra nabantuan mantilayun.

JUDAS 1:14

I Ginok, papag ri Adam ra katulu', ondo' ra galing i noyo nanala' raginio intor risilo, kono, “Ilai' noyo, makito Tuhan matong mabaya' ra kukula' ngaribu malaikat Nano.