MAZMUR 50:23 - Tanou Moonsoi Timugon

²³ Ulun ondo' mapataak ra ragu paringkuanangan koson ra taak simbalui no koson mangurumat Raki', am ulun ondo' gumagaya' Raki' no bayagon Kuno.”

MAZMUR 50:23 ပူးပေါင်းရင်းမြစ်များ

MAZMUR 120:1

Rimbai ru ratangan. Bulintok ra aku makakapaganan, mampiau aku ra Tuhan, am iowon No pakiasian kuno.

MAZMUR 22:23

Potonowon ku ra ngaangai' ulun kuno atan ondo' binaal Muno raki'; am ralalom pantitimungan nilo omporon Tokou.

MAZMUR 25:14

Tuhan noyo rangan ru ulun ondo' gumagaya' Riso, am pabalaan No nabantuan Nali risilo.

MAZMUR 27:6

Ra ginio kalaan ku ngaangai' pantula' ondo' liminibung raki' no. Ralalom ru guang maansukan magilakup aku am mapataak aku ra taak simbalui ralalom ru Baloi Nano; marimbai aku am mongompor aku ra Tuhan.

MAZMUR 34:5

Makiasi' aku ra Tuhan am iniou No pakiasian kuno, pinalabus No aku intor ra nansalinut kalaanan.

MAZMUR 85:13

Saukon takau ru Tuhan ra lumangkaya', am tana' takau mapaingkual ra ampos masuang.

MAZMUR 85:9

Rongogon ku ragu ru Tuhan i Aki Kapuuno'; binantu' No kaansayan ritakau, ulun Nano, amon ru kalo sumaguli' takau mambaal ra tula.

MAZMUR 86:12

Omporon Tokou ralalom intopot ru guang Kuno, iou Tuhan, i Aki Kapuuno' kuno; potonowon ku katulayan Muno ra sabuoi-buoi no.

MAZMUR 86:9

Ngaangai' ru bansa' ra inangun Muno rumatong, iou Tuhan, mongoi ilo samba Rirun am mongompor ra katulayan Muno.

MAZMUR 91:16

Kaawaron Ku umur nilono, am bayagon Ku ilo.”

JISAYA 12:2

Aki Kapuuno' Mamamayag raki'; mangintopot aku Riso am kalo malaa' aku. Tuhan manaak ra kuasa' am kaikangan raki'; Io no Mamamayag raki'.

JISAYA 45:17

Kaa' Israil bayagon ru Tuhan; pamayagan riso no mantilayun. Kalo tauyuon kau am asabin saboi ra sabuoi-buoi no.’ ”

JISAYA 49:6

Tuhan mindagu raki', “Kandoi ra maayo kaga' maginaa rirun, okou ulipon Kuno; okou sala' ka mapasaguli' ayuk ra suwo ru papag ri Jakub am mapatapuli' ra kinaayo ru bansa'-bansa' ru Israil, kaa' saukon Ku poyo okou ra sinda ru bansa'-bansa' maa' raginio titikop ru tana' ti bayagon.”

LUKAS 2:30

Sabap ra nakito ku noyo Mamamayag intor Rirun,

JUANIS 7:17

Osoi ayuk masaga' mambaal ra kasagaan ri Aki Kapuuno', makatutun io ati intor ru pangilaan Kutu; intor kia ri Aki Kapuuno' kapoam intor Raki' galama' ayuk.

RINALATAN 11:14

Mampasaboi io ra tanou ondo' makapamayag ramuyun sambaloi.’

RINALATAN 13:26

Pabukat kau ngaangai', papag ri Abragam am niayuk ngaangai' sala' ka Jaudi ondo' sumamba ri Aki Kapuuno'; itakau no napasabayan ra Tanou pamayagan no.

ROMA 12:1

Pabukat kau ngaangai', sabap ra i Aki Kapuuno' makaasi' ritakau kitaakon takamin tojojo: Patimpoko' noyo kaayagan mino ri Aki Kapuuno' ayuk koson ra rondo' taak ondo' maayag, am ginio noyo mapabansuk Riso. Ginio noyo bayaan ra matanda' sumamba ri Aki Kapuuno'.

ROMA 15:6

Maa' ra akau rondo' guang no, mokopongompor kano ri Aki Kapuuno', Ama' ru Tuhan takau i Jisus Kristus.

ROMA 15:9

Io nopo niayuk magibit ra ulun sala' ka Jaudi mongompor ri Aki Kapuuno' sabap ra asi' Nano risilo. Koson tinulisan ra Buuk Kitab, “Mongompor aku Rirun ra tatanga' ru ulun sala' ka Jaudi, am marimbai aku mongompor Rirun.”

GALATIA 1:24

Ilo pana nongompor boo ri Aki Kapuuno' sabap ra ondo' nasauk raki'.

GALATIA 6:16

Am ulun ondo' mampagagaya' ra panusuban ragitio, gama' ru aniin ilo ri Aki Kapuuno' ra kaansayan am asi', am niayuk ra ngaangai' ulun ri Aki Kapuuno'.

PILIPI 1:27

Raino ondo' maatang toojo, kaayag kano sumugut ra Tanou Moonsoi ri Kristus. Maa' raginio, maampon ru moongoi takamin kailai' kapoam kalo, morongog takamin niayuk ra mingkotog kau poyo koson rondo' ayuk pangintapatan am niayuk rondo' guang min. Maa' raginio, makakau' kau mampabala' ra pangintapatan ondo' inimpuun ra Tanou Moonsoi no.

JAKUBUS 3:13

Osoi ak intor ramuyun ondo' mangkara' ra makaintutun am mapintar io, moonsoi ru pakitonon no ginio mansail ra kaayagan am baal moonsoi nano, mabaya' ra guang minggana' am kapintaran.

1 PITRUS 1:15

Sotopot no, kaayag kano ra mapasau ralalom ngaangai' baalon mino, koson i Aki Kapuuno' ondo' nampiau ramuyun no mapasau.

1 PITRUS 2:9

Kaa' akau ti noyo bansa' ondo' pinili' ri Aki Kapuuno', imam ru Raja', bansa' inaru' mangandoi Riso, ulun Nano. Pinili' kau ri Aki Kapuuno' am piniau kau intor ra kalandaman sumubol ra sinda Nano ondo' makaimuag, koson mampatanou kau ra baalon Nano ondo' makaimuag.