MAZMUR 50:20 - Tanou Moonsoi Timugon

²⁰ Uwin min rayuso' pabukat mino, am pongkotob simbaalin ra ragu.

MAZMUR 50:20 ပူးပေါင်းရင်းမြစ်များ

MAZMUR 31:18

Mampiau aku Rirun, iou Tuhan; pai' aku polosoo' tauyuon. Polosoo' ayuk ulun malaat tauyuon, am kalinuos nilo tumuun ra intokon ru ulun namagatoi.

AMSAL 10:18

Ulun ondo' mambuni ra kasisangan iono mamparuung. Ulun ondo' mangalimut iono sasambungon.

IMAMAT 19:16

Pai' potonowo' ragu sinimbaal intor ra ulun bokon. Paat ra bisaraan sasangulun no, pai' pangani' ra inono' magabau ondo' mangkinibit ra ulun no ukumin ra matoi. Aku noyo Tuhan.

MATIUS 10:21

“Mokoondo' ulun mampataak ra pinongkotob nano galama' koson ra potoyon, am ama' pana mambaal niayuk koson raginio ra anak nano. Mokoondo' anak manggal ra matuo nano saboi pataakon nilo ra potoyon.

MATIUS 5:11

Pakaansuk kano amon ru asabin, imboloon am niayuk ilaaton kau ru ulun, sabap ra akau mangintopot Raki'.

LUKAS 22:65

Am masuang poyo ragu nilo magasab ri Jisus.

1 TIMOTIUS 3:11

Andu' nilo pana musiti' makapaliso ra moonsoi, sala' ka masaga' mansunur ra bokon, mataan guang am malansanan ra atan ayuk baal.

TITUS 2:3

Ragui' niayuk ruandu' matutuo rati ra tumanda' ilo sumugut ra tiluan ru sangulun ondo' mapasau. Kalo noyo mansunur ra bokon kapoam gagaukon, kaa' makapangila' poyo ra moonsoi,

PINAINTALANG 12:10

Korongog ku boo bolos mapuor giu' ra suruga' minindagu, “Raino noyo i Aki Kapuuno' mamayag ra ulun Nano. Raino i Aki Kapuuno' mampakito ra kuasa' Nano koson ra raja'. Raino Mamamayag ondo' sinusub Nano mampakito niayuk ra kuasa' maayo Nano. Sabap ra io ondo' orou-rondom nanguu' ra pabukat-pabukat takau ra saang ri Aki Kapuuno', pinatiran noyo intor ra suruga'.