MAZMUR 50:15 - Tanou Moonsoi Timugon

¹⁵ Piawo' min Aku bulintok ra akau makakapaganan; bayagon Takamin, am omporon min Aku.”

MAZMUR 50:15 ပူးပေါင်းရင်းမြစ်များ

2 RAJA'-RAJA' 20:2

Ponontong Raja' Gijkia ra timbok am pakiasi',

2 TUNUNG RU BANSA' ISRAIL 20:9

ra amon ru ukumin ilo ra karaat, iou pana ru pangayawan, maruol tumapik, kapoam bitilan, makaratong ilo Rirun am migor ra saang ru baloi sambayangan ti. Paat ralalom ru kapaganan, makapakiasi' ilo Rirun am morongog Mu ilo am mangindangan risilo.

AYUP 22:27

Paat ra okou makiasi', tumaam Io, am masugut mu ngaangai' bantu' muno.

MAZMUR 107:19

Ralalom boo ru kapaganan, mampiau ilo ra Tuhan, am bayagon No ilo intor ra makalalaa'.

MAZMUR 107:28

Ralalom boo ru kapaganan, mampiau ilo ra Tuhan, am bayagon No ilo intor ra makalalaa'.

MAZMUR 120:1

Rimbai ru ratangan. Bulintok ra aku makakapaganan, mampiau aku ra Tuhan, am iowon No pakiasian kuno.

MAZMUR 22:23

Potonowon ku ra ngaangai' ulun kuno atan ondo' binaal Muno raki'; am ralalom pantitimungan nilo omporon Tokou.

MAZMUR 34:5

Makiasi' aku ra Tuhan am iniou No pakiasian kuno, pinalabus No aku intor ra nansalinut kalaanan.

MAZMUR 34:7

Ulun makakapaganan ti mampiau am Tuhan tumaam, mapalabus Io risilo intor ra nansalinut kapaganan.

MAZMUR 4:2

Taamo' noyo amon mampiau aku, iou Aki Kapuuno', Manungka' raki'! Paat ra aku makakapaganan ra galing i, matong Kou mangindangan raki'. Raino pakaasi' no raki', am rongogo' pakiasian kuno!

MAZMUR 50:23

Ulun ondo' mapataak ra ragu paringkuanangan koson ra taak simbalui no koson mangurumat Raki', am ulun ondo' gumagaya' Raki' no bayagon Kuno.”

MAZMUR 77:2

Matangil pampiawan kuno ri Aki Kapuuno'; matangil ra aku mampiau maa' raginio morongog No.

MAZMUR 77:3

Bulintok ra aku makakapaganan makiasi' aku ra Tuhan; masuaban aku mopotoroi ra longon liliwa' makiasi', kaa' kalo maansukan aku.

MAZMUR 81:7

“Kinayang ku noyo sinaanan mino; am mapalabus ramuyun intor ra kandoi pajajalin.

MAZMUR 86:5

Iou Tuhan, Okou no moonsoi am masaga' mangampun ra ulun, tagamin Mu ilo ondo' makiasi' Rirun.

MAZMUR 86:7

Bulintok ra aku makakapaganan, mampiau aku Rirun sabap ra Okou mangiou ra pakiasian kuno.

MAZMUR 91:15

Bulintok ra mampiau ilo Raki', tumaam Aku risilo. Bulintok ra ilo makakapaganan, indanganon Ku ilo. Bayagon Ku ilo am urumaton Ku ilo.

JIRIMIA 39:17

Kaa' Aku, Tuhan manindung rirun, am kalo pataakon kou ra ulun ondo' kalaanin muno.

JAKARIA 13:9

Sampitalu ayuk intor ra mamagun nano maayag. Kapasawon Ku ilo koson ra pirok tinuyu' toojo ru apui. Kinamin Ku ilo koson ra ulun mangkinam ra mas. Ilo pana makiasi' boo Raki', am iowon Ku pakiasian nilo. Balain Ku ilo ra ilo ulun Kuno, am ilo pana mangiou ra Aku Tuhan, i Aki Kapuuno' nilo.”

MATIUS 5:16

Koson raginio niayuk boo ra lampung mino musiti' manilau ra saang ru ulun, maa' raginio makakito ilo ra baal moonsoi mino am mongompor ri Ama' mino giu' ra suruga'.”

LUKAS 22:44

Maimbolo' Io tojojo am mapirot Io poyo nakiasi', saboi rasang Nano koson ra raraa' momosok ra tana'.

JUANIS 15:8

I Ama' katulayon ra akau manangkawa' ra maawas; gitio noyo ra akau mauligan ra maamaya' Kuno.

RINALATAN 16:25

Olo'-olo' tanga' ru rondom, i Paulus am i Silas nakiasi' am narimbai mongompor ri Aki Kapuuno'. Ulun bokon ondo' inaput pana nangkirongog risilo.

JAKUBUS 5:13

Amon ru mokoondo' intor ramuyun makakapaganan, moonsoi ru makiasi' io. Am osoi ayuk maansukan, moonsoi marimbai io mongompor ri Aki Kapuuno'.

1 PITRUS 4:11

Osoi ayuk inanian ra kapandayan mindagu, moonsoi ru mampasaboi io ra bala' intor ri Aki Kapuuno'; am osoi ayuk mangindangan ra ulun bokon, musiti' io mangindangan mabaya' ra ikang intor ri Aki Kapuuno'. Maa' raginio, ralalom ngaangai' ondo' kondoyon min, i Aki Kapuuno' urumaton sabap ri Jisus Kristus. Io no makakuasa' am maaya' omporon ra sabuoi-buoi no. Amin.

1 PITRUS 4:14

Pakaansuk kano kabalu' pana ra asabin kau sabap ra maamaya' kau ri Kristus. Arati' no, mokoondo' noyo Ambiluo Maayo Kaga' Kuasa', ioginio Ambiluo ri Aki Kapuuno' rumondon ramuyun.

TINGGANAI RU BANSA' 15:19

Ukabo' boo ri Aki Kapuuno' rondo' luang giu' ra Ligi, am ingkual timug intor ra giu'. Inum i Simson, am moonsoi saguli'. Ginio ra taur ru timug no ininggalanan ra Taur ru Timug Akor. Taur ru timug no lakat poyo soroi giu' ra Ligi.