MAZMUR 5:6 - Tanou Moonsoi Timugon

⁶ Kalo moorot Mu guang magilong ra ulun malilimbau; kasisangin Mu ngaangai' ulun malaat.

MAZMUR 5:6 ပူးပေါင်းရင်းမြစ်များ

KASAUKAN 34:14

Indagu ilo risilo, “Kalo pawatin mai boborok mai ra ungkuyon ondo' kalo sinunatan, sabap ra ginio mapakauyu' ramon.

2 SAMUIL 16:8

Nampagaau kou ra pamarintaan ru Raja' Saul! Raino inukum kou ru Tuhan sabap ra namatoi ra masuang kaga' pabukat ru Raja' Saul. Pinataak ru Tuhan pamarintaan muno ra anak muno i Absalom. Raino luuson kou, ulun mamatoi!”

2 SAMUIL 20:1

Giu' ra bandar Gilgal mokoondo' sangulun mampajajou makainggalan ri Siba anak ri Bikri, intor ra bansa' ru Binjamin. Nanamput io ra bujung am golok, “Kolondo' pabukatan takau ra Raja' Daut! Pai' baya' riso! Akau ulun ru Israil, ibok uli' takau!”

MAZMUR 11:5

Mangkinam Io ra ulun moonsoi am niayuk ulun malaat; masisang Io kaga' ra ulun ondo' monogom ra kalaatan.

MAZMUR 4:2

Taamo' noyo amon mampiau aku, iou Aki Kapuuno', Manungka' raki'! Paat ra aku makakapaganan ra galing i, matong Kou mangindangan raki'. Raino pakaasi' no raki', am rongogo' pakiasian kuno!

MAZMUR 43:1

Iou Aki Kapuuno', paintalango' noyo ra aku kolondo' sala, sungkaa' aku tumingkuang ra bansa' ondo' nausung; painggaluro' aku intor ra ulun mangalaat am ulun maabau-abau.

MAZMUR 55:23

Pataako' noyo pagalabaan muno ra Tuhan, am manungka' Io ramuyun; kalo polosoon No ulun mabanis guang kalaan.

JISAYA 26:21

Tuhan matong intor ra intok Nano giu' ra suruga' koson mangukum ra ulun ra tana' ti sabap ra tula nilo. Namatayan ra inopot ra tana' ti masingkual, am lobong pana kalo boo mapasibuni risilo ondo' pinatoi.

ROMA 1:29

Guang nilono napanu' ra kalaatan, mapuka', magingkaut ilo, mampalaat ra rondo' am bokon: mangusolon ilo, makimampatoi, mansasangor, mamparuung, malikokot. Mansunur ilo ra ulun bokon,

PINAINTALANG 21:8

Kaa' ulun matalou, ulun kalo boo mangintopot, ulun homoseks am lesbian ra makauyuyu' am majamol, mamamatoi, mansasawa', ulun makakapandayan malaat, sumamba ra sinungkalalaing am ngaangai' magagabau – ampos nilono giu' ra tasik ru apui ondo' naratok ra balirang mapaang, ioginio kapatayan ra kainduo.”

PINAINTALANG 22:15

Kaa' ulun mambaal ra makauyuyu' am majamol, ulun makakapandayan malaat, mansasawa', mamamatoi, ondo' sumamba ra sinungkalalaing, am ulun magagabau – iou pana maya' ra ragu kapoam binaal nano; ngaangai' ulun ragitio intok nilo ra liwar ru bandar no.