MAZMUR 5:10 - Tanou Moonsoi Timugon

¹⁰ Ngaangai' ragu ru pantula' kuno kalo maintopot; guangon nilono malaat kaga'; ngaangai' ragu nilono mangaamis am makabunduk ra guang, kaa' napanu' ra gogot malaat.

MAZMUR 5:10 ပူးပေါင်းရင်းမြစ်များ

2 SAMUIL 15:31

Paat ra Raja' Daut binalaan ra i Agitopil niayuk minaya' gumuor ri Absalom, pakiasi' Raja' Daut, “Iou Tuhan, sulango' bilin ri Agitopil!”

2 SAMUIL 17:14

Kopongo i Absalom am ngaangai' ulun ru Israil nokorongog ra inatangan raginio, konilo, “Moonsoi poyo bilin ri Gusai intor ra bilin ri Agitopil.” Inaru' noyo ru Tuhan koson mongompong ra bilin ri Agitopil ondo' moonsoi no, maa' raginio matiu' i Absalom ra karaat.

2 SAMUIL 17:23

Paat ri Agitopil nakapandai ra bilin nano kalo binaya', patampako' no palana ra kaladai nano am uli' ra bandar nano galama'. Kopongo nanalasai ra ngaangai' baalon nano, tair io galama'. Kopongo raginio linobong io ra kalabangan ru sasambaloi nano.

2 TUNUNG RU BANSA' ISRAIL 25:16

Kaa' pinutat ru Raja' Amajia ragu am indagu, “Intor sanggilan kia akai nampalantik rirun nasauk ra paminson ru raja'? Pongkoror, amon ru kalo, potoyon kou!” Kalo poyo nongkoror nabi no, indagu io, “Raino bagu no mapandayan ku ra mingkotog i Aki Kapuuno' koson mamuso rirun sabap ra ngaangai' ru binaal muno, am niayuk sabap ra kalo linio mu pinson kutu.”

ESTER 7:10

Koon raginio noyo i Gaman tinair ra lugu' pampatairan ondo' binaal nano ra tayar ri Mordikai. Kopongo raginio bagu no sangit ru raja' no siminalui.

MAZMUR 10:15

Ratui' noyo kuasa' ru ulun malaat am nausung; ukumi' ilo no sabap ra malaat ilo kaga' saboi langgain nilo kalaatan nilono.

MAZMUR 107:11

sabap ra ilo minanggal ra panusuban ri Aki Kapuuno', am marara' ilo ra susuban ru Io Ondo' Maayo Kaga' Kuasa'.

MAZMUR 17:13

Luat no, iou Tuhan, anggalo' pantula' kuno saboi maala! Bayago' aku ra ilang Muno paat ra ulun malaat mampatoi raki'.

MAZMUR 31:18

Mampiau aku Rirun, iou Tuhan; pai' aku polosoo' tauyuon. Polosoo' ayuk ulun malaat tauyuon, am kalinuos nilo tumuun ra intokon ru ulun namagatoi.

MAZMUR 35:26

Polosoon noyo ulun ondo' maansayan magilong ra aku naimbolo' masauk ilo ra maubong am mauyu'. Polosoon noyo ulun lumimbau no pansagulian guang am mauyu'.

MAZMUR 55:15

Galing i moonsoi sunur-sunur to, am mababaya' sumambayang ra Baloi ru Tuhan.

MAZMUR 66:7

Namarintaan Nano matulai ra sabuoi-buoi no, am ngaangai' bansa' alungin No. Pai' sangulun pana tumula' Riso!

MAZMUR 71:13

Polosoon noyo ilo ondo' mangayou raki' no kalaan am niayuk pusoon! Polosoon noyo ilo ondo' kuminam mangurana' raki' no tauyuon am asabin!

MAZMUR 79:12

Iou Tuhan, balasi' noyo bansa'-bansa' raginio intulu' ruli', sabap ra nagasaban nilo Rirun.

JISAYA 1:2

Indagu Tuhan, “Alii ra limbowon am tana' ti, rongogo' noyo ragu Kutu! Ngaangai' anak ra pinasukor Kuno giminuor Raki'.

JISAYA 1:20

Kaa' amon ru manggal kau Raki', maaru' matoi kau. Aku, Tuhan minindagu noyo.”

JISAYA 63:10

kaa' ilo gumuor Riso am mangkinibit ra Tuhan mangiluk guang. Ginio ra Tuhan makimantula' am manggal risilo.

SULABOI 1:5

Pantula' nakasugut sabap nakapanguasa' ra Jirusalim; Tuhan nambaal riso naimbolo' sabap ra masuang kaga' tula nano. Mamagun nano rinakop am inibit ru pantula'.

DANIL 9:5

“Makatula akai noyo. Nambaal akai noyo ra kalaatan. Nambaal akai noyo ra kasalaan. Minanggal akai noyo ra susuban Muno, am siminiang intor ra aturan Muno.

DANIL 9:9

Maayo guang Muno makaasi' am mangampun, kabalu' pana giminuor akai Rirun.

GOSIA 9:7

Orou pangukuman nakasaboi noyo, orou koson mangapu ra pambalos. Makapandai boo Israil paat baal ragitio masauk. Kamin, “Nabi ti sasambungon. Ulun sinusub ri Aki Kapuuno' ti mantuyang.” Masisang kau kaga' raki' sabap ra tula min maayo kaga'.

1 KORINTUS 3:19

Sabap ra ondo' karaan ru ulun ru tana' ti ra mapintar, karaan ri Aki Kapuuno' ra sasambungon. Sabap ra mokoondo' tinulisan ra Buuk Kitab, “Linandak ri Aki Kapuuno' ulun mangapintar ra kapintaran nilo galama'.”

SAGULION 2:30

Kaa' kalo nangiou Raja' Sigon ritakau nansail ra pagun nano. Ginio ra Tuhan i Aki Kapuuno' nangkinibit ra Raja' Sigon bambalingatan am mingkotog manggal ritakau, maa' raginio makapangala takau riso am mampagaau ra wilayah nano, ondo' inayanan takau saboi raino.

1 SAMUIL 25:29

Amon ru mokoondo' sasangulun ondo' mamulunsar rirun am kuminam mamatoi rirun, maaru' Tuhan i Aki Kapuuno' no mangampin rirun koson ra sangulun magalung ra rapu' nano ondo' mologo kaga'. Kaa' pantula' muno papatiron ru Tuhan ra maalur, koson ra batu ondo' pinobobol ra lasitik.

1 SAMUIL 25:39

Pokorongog i Daut ra minatoi noyo i Nabal, indagu io, “Koompor noyo Tuhan! Binalasan No noyo i Nabal sabap ra pagasaban nali raki'. Nanginggalar noyo Tuhan no raki', ulipon Nati intor ra mambaal ra kalaatan. Tuhan galama' nangukum noyo ri Nabal sabap ra kalaatan nano.” Kopongo raginio nangator i Daut ra ulun mongoi ri Abigail koson manambili' riso masauk ra andu' nano.