MAZMUR 49:17 - Tanou Moonsoi Timugon

¹⁷ Pai' pangusolon amon mokoondo' sanganuan ulun lumangkaya', amon ru rapu' nilono rumuang-ruang;

MAZMUR 49:17 ပူးပေါင်းရင်းမြစ်များ

1 TIMOTIUS 6:7

Kolondo' inibit takau ra tana' ti am kolondo' ibiton takau poyo paat ra itakau mangiruan ra tana' ti!

AYUP 27:19

Koson ra pamupusan toojo, lumangan ilo koson ra ulun langkaya', paat ra ilo sumukal, lumiot boo ngaangai' kalangkayaan nilo.

1 KORINTUS 15:43

Paat ra io lobongon, baal ru inan no mapasa' am malawo; kaa' paat ra bayagon saguli', baal ru inan no moonsoi am maikang.

LUKAS 16:24

Golok io, ‘Aki Abragam! Pakaasi' no raki'! Susubo' i Lajarus mompososop ra tutulu' nano ra timug pampasalui ra rila' kutu, sabap ra maimbolo' aku toojo ralalom ru apui ti!’

LUKAS 12:20

Kaa' indagu i Aki Kapuuno' riso, ‘Ulun sasambungon! Rondom ra raiti' niayuk patayan muno! Osoi mangalap ra ngaangai' ondo' tinimung muno galama'?’ ”

JISAYA 10:3

Atan baalon min bulintok ri Aki Kapuuno' mangukum ramuyun ra tauli no? Atan baalon min paat ra Io mamparatong ra karaat intor ra pagun ondo' maalur? Osoi kia pakiindanganan min? Ati papasibunian min ra rapu' kalangkayaan mino?

JISAYA 5:14

Kabang ru intok kapatayan gumaal toojo koson monolon ra ulun paawang giu' ra Jirusalim mababaya' ra nasuangan ulun ondo' mangiantak.

MAMPATANOU 5:15

Baal ragitio kalo natimpok. Inugaran takau koson ra itakau minatong. Gumogot takau koson mangilou ra angin am atan nua' ampos nano?

MAZMUR 17:14

Palabuso' aku no intor ra ulun ondo' manimung ra rapu' ra tana' ti. Ratangi' ilo ra karaat ondo' natampos Mu noyo risilo; am ukumi' niayuk ngaangai' anak suku' ra akupu nilono.

AYUP 1:21

Indagu io, “Inanak aku ra kolondo' atan pana, am matoi aku ra kolondo' atan pana niayuk. Tuhan ondo' mangani' am raino Tuhan poyo ondo' mangalap saguli'. Koompor noyo inggalan Nano!”