MAZMUR 49:15 - Tanou Moonsoi Timugon

¹⁵ Koson ra domba, ilo inaru' ra potoyon, kapatayan no magagalung risilo. Ulun mabanis guang mampaala risilo, baangkai nilo mataki' mapasa'; pagun ru ulun minatoi masauk ra intok nilo.

MAZMUR 49:15 ပူးပေါင်းရင်းမြစ်များ

KASAUKAN 5:24

I Ginok naayag masalok sumimpung ri Aki Kapuuno', liminiot io sabap inalap io ri Aki Kapuuno'.

MAZMUR 31:5

Palabuso' aku no intor ra jajaling ondo' inatang nilo mamatoi raki'; Okou noyo intok kuno sumindung.

MAZMUR 56:13

Iou Aki Kapuuno', suguton ku bantu' kuli Rirun, mapataak aku taak simbalui paringkuanangan Rirun.

MAZMUR 73:24

Mangila' Kou raki' ralalom ru bilin, am apuon Mu aku ra urumat.

MAZMUR 86:13

Mapara' gayo ru togom Muno raki'; pinalabus Mu aku intor ra luang ru lobong.

MAZMUR 89:48

Karaa' noyo, mapara' piboo kinariwa' ru umur ru ulun; karaa' noyo ra Okou namangun ra ulun koson ilo ondo' maayag ra kalo mantilayun.

GOSIA 13:14

Kalo bayagon Ku ulun ragitio intor ra intok ru ulun namagatoi kapoam intor ra kuasa' ru kapatayan. Okou kapatayan, porotongo' noyo kapusaan! Kalo boo makaasi' Aku ra ulun ragitio.

LUKAS 23:46

Golok i Jisus ra mosongou, “Ama', pataakin Ku painawo Kutu Rirun!” Kopongo Io minindagu raginio, patoi Io no.

JUANIS 14:3

Mopongo Ku intok min, sumaguli' Aku mongoi pangalap ramuyun, maa' raginio mabaya' kau Raki' ra intok Kuno.

RINALATAN 7:59

Paat ilo nomomobol i, pakiasi' i Stipanus, kono, “Tuhan Jisus, apuo' noyo ambiluo kutu!”

PINAINTALANG 14:13

Korongog ku boo bolos intor ra limbowon mindagu, “Tulisi' noyo gitio: Pakaansuk noyo ilo ondo' intor raino matoi sabap ra mampaugar ra kandoi ru Tuhan.” Taam Ambiluo ri Aki Kapuuno', “Motopot. Ilo ti patanguson intor ra kaimbalaan, am aniin ilo ra ampos sabap ra kandoi nilono ra Tuhan.”

PINAINTALANG 5:9

Narimbai ilo ra rimbai bagu: “Okou no maaya' mangalap ra naskhah rinulun no am mampalungkab ra segel no, sabap ra pinatoi Kou noyo ra pinatayan Muno namayag Kou ra ulun intor ra moonong papag, ragu, bansa' am pagun, koson ilo ti pataakon ri Aki Kapuuno'.