MAZMUR 48:9 - Tanou Moonsoi Timugon

⁹ Atan ondo' norongog takau, ragino nakito takau, giu' ra bandar ri Aki Kapuuno' takau, Tuhan Ondo' Maayo Kaga' Kuasa'. Bandar raginio bandar ri Aki Kapuuno' takau; alungin No bandar raginio ra sabuoi-buoi No.

MAZMUR 48:9 ပူးပေါင်းရင်းမြစ်များ

1 RAJA'-RAJA' 10:6

Ginio ra indagu raja' ruandu' ru pagun Syiba ra Raja' Salomo, “Topot toojo atan ondo' norongog kuli giu' ra pagun kuli intor rirun am kapintaran muno!

1 RAJA'-RAJA' 10:7

Kaa' kalo mangintopot aku ra aku kalo poyo matong am makakito galama' ra ngaangai' no ra mato kuno galama'. Kaa' atan ondo' norongog kuli kalo poyo napiruo intor ra atan ondo' nakito kuno raino. Kapintaran am kalangkayaan muno maayo poyo intor ra ondo' norongog ku noyo.

MAZMUR 104:34

Gama' ru rimbai kuno mapabansuk ra guang Nano, sabap ra Io noyo napakaansuk ra guang kuno.

MAZMUR 26:3

Masalok aku mangkara' ra togom Muno; am totopot gumagaya' Rirun.

MAZMUR 40:10

Ralalom pantimungan ru ulun Muno tunungon kuno tanou moonsoi ra Okou namayag ramon. Kalo langgain ku tunung kuno. Iou Tuhan, ngaangai' no napandayan Mu noyo.

MAZMUR 87:5

Ulun mindagu ra Sion, ra ngaangai' ru bansa' nakaaya' koson mamagun ra bandar no, am Io Ondo' Masawat Kaga' no mapaikang riso.

RIMBAI PANGAMPARAN 1:4

Ribaki' noyo, ibito' aku no mabaya' rirun, iou raja' kuno, ibito' aku no ra lamin muno. Okou magibit ra akai maansukan, am mongompor ra laai muno moonsoi poyo ka wain; ginio sabap ra ruandu'-ruandu' malaai rirun.

JISAYA 26:8

Sumugut akai ra kasagaan Muno am lumansan Rirun; Okou ayuk kaandaman mai.

JIRIMIA 31:40

Titikop ru limayak raginio, ondo' pakayon koson ra tana' kalabangan am intok pamatiran ra ginsamol, am ngaangai' umo giu' ra kiing ru Sungoi Kidron saboi ra Kulobon Garabang Kuda mongoi tampilon ra sirangon, patimpokon Raki'. Bandar Jirusalim kalo boo lunsayon kapoam pusoon.”