MAZMUR 47:5 - Tanou Moonsoi Timugon

⁵ Tambiliin No itakau ra intok ayanan, koson masauk ra longgom takau, ulun ra tagamin Nano.

MAZMUR 47:5 ပူးပေါင်းရင်းမြစ်များ

2 SAMUIL 6:15

Koon raginio noyo Raja' Daut am ngaangai' mamagun ru Israil nagibit ra Kaban Nabantuan no ra Jirusalim liliwa' magigindii am sinumbaya' ru samput ra bujung.

1 TUNUNG RU BANSA' ISRAIL 15:28

Ngaangai' mamagun ru Israil namaya' ra Kaban Nabantuan saboi ra Jirusalim ra nagilakup ra naansukan, am niayuk bolos ru bujung, nafiri, simbal am jitor.

1 TUNUNG RU BANSA' ISRAIL 16:42

I Giman am i Jidutun niayuk manalingapu ra bujung, simbal am niayuk kuliamos miujik ra bokon ondo' pinakai koson kulion paiison ra rimbai-rimbai pangamparan. Ulun-ulun ru bansa' ri Jidutun pinangandoi koson magalung ra kulobon-kulobon garabang.

MAZMUR 150:3

Omporo' Io ra bujung! Omporo' Io ra gambus am jitor!

MAZMUR 68:33

Rimbayi' min noyo i Aki Kapuuno', akau ngaangai' karajaan ru tana' ti, parimbai kano ra rimbai mongompor ra Tuhan,

MAZMUR 78:65

Pupus no sumukal Tuhan koson sumukal intor ra nombolong; maayo guang koson ra sangulun maikang ondo' nakainum ra wain.

MAZMUR 81:3

Patalimpuuno' noyo miujik am asaso' tamburing; parimbai ra sulabit matangil am kayuson jitor am gambus.

MAZMUR 98:6

Samputi' noyo bujung am tarumpit, pagilakup no ra saang ru Tuhan, Raja' takau!

YEHEZKIEL 20:6

Paat raginio noyo binantu' Ku magibit risilo mingkual intor ra Misir, am maningganai risilo mongoi ra tana' ondo' pinili' Ku noyo ra tayar nilo, tana' ondo' langkaya' am malabung am moonsoi kaga'.

AMOS 8:7

Tuhan, i Aki Kapuuno' ru Israil nagibot noyo, “Totopot kalo lilianin Ku binaal nilo ondo' malaat.

MALIAKI 2:3

Ukumin Ku anak-anak min, am luitin Ku bulos min ra ampangara' ru bibiag ondo' pataakon min. Mopongo raginio ralaaton kau ru ulun ra nampabujukan ra ampangara'.

UNTABAN 23:21

Kolondo' kalaatan ra orou matong ru Israil, Kolondo' kapaganan ra orou matong nilo. Tuhan i Aki Kapuuno' nilo mabaya' risilo; Nangiou Israil Riso ra raja'.

1 KORINTUS 15:52

Koson ra sangkuliop ayuk, paat ra bujung ra pupus no samputin, ulun namagatoi bayagon saguli' mabaya' ra inan mantilayun, am itakau ti pana kulawon.

1 TISALONIKA 4:16

Sabap ra tingganai ru malaikat manusub ra bolos mosongou am bujung ri Aki Kapuuno' samputin, am Tuhan Jisus galama' boo tumuun intor ra suruga' am ulun namagatoi ondo' nangintopot ri Jisus pasiguluon bayago'.

1 TIMOTIUS 3:16

Kolondo' sangulun pana makapagali' ra mumpara' boo bonsoi ru pangilaan motopot ondo' kalo igondo' pinabala' i, ioginio: Minintalang i Jisus Kristus am nasauk ra ulun, iniou Io ru Ambiluo ri Aki Kapuuno', nakito Io ru malaikat-malaikat. Pinatanou Io ra ngaangai' bansa', inintopot Io ru ulun ra ngaangai' libung ru tana' ti, am kinayang Io minuli' ra katulayan ru suruga'.

JOSUA 6:5

Mopongo raginio ilo musiti' manamput ra bujung ra bolos ondo' maawar, am morongog min ayuk ginio, ngaangai' ulun musiti' gumolok ra mosongou, am mapuut boo timbok ru bandar no. Paat raginio ngaangai' saujor muno musiti' marayus mumpos ra bandar no.”

PINAINTALANG 11:15

Samputi' boo ru malaikat katulu' no bujung. Bolos-bolos mosongou morongog giu' ra suruga', konilo, “Kuasa' mamarinta ra tana' ti soroi raino ra Tuhan takau am ra Mamamayag Nano. Mamarinta Io ra sabuoi-buoi no!”