MAZMUR 47:2 - Tanou Moonsoi Timugon

² Pagitapap kau, akau ngaangai' bansa'! Omporo' i Aki Kapuuno' ra rimbai ondo' mapuor am mapabansuk!

MAZMUR 47:2 ပူးပေါင်းရင်းမြစ်များ

NIGIMIA 1:5

“Iou Tuhan i Aki Kapuuno' mangnguasa' giu' ra suruga'! Okou i Aki Kapuuno' ondo' matulai, am tumingkuang akai Rirun ra malaa' kaga'. Gumagaya' Kou ra nabantuan Muno risilo ondo' motogom Rirun am mambaal ra susuban Muno.

MAZMUR 145:6

Pabalaan ru ulun binaal Muno ra makaimuag, am pabalaan ku katulayan Muno.

MAZMUR 47:7

Omporo' noyo i Aki Kapuuno' no ra rimbai; omporo' noyo Raja' takano ra rimbai!

MAZMUR 65:5

Pakaansuk noyo ilo ondo' pinili' Muno, ilo ondo' inibit Muno minayan ra Baloi Muno. Giu' ra Baloi Muno, basugon Mu akai ra ngaangai' ondo' moonsoi, barakat Muno ramon giu' ra ayanan Muno ondo' matulai.

MAZMUR 68:35

Apuo' noyo kuasa' ri Aki Kapuuno'; titikop ru Israil Io namarinta, makito kuasa' Nano giu' ra limbowon.

MAZMUR 76:12

Suguto' noyo atan ondo' binantu' muli' ra Tuhan, i Aki Kapuuno' muno; maaru' ngaangai' bansa' ondo' nakapaginggaar magibit ra taak, koson pataakon Riso ondo' kalaanin.

MAZMUR 95:3

Tuhan raginio noyo i Aki Kapuuno' ondo' mangunguasa', raja' maikang ondo' mangunguasa' ra ngaangai' dewa.

MAZMUR 99:3

Moonong ulun mongompor ra inggalan Nano ondo' maayo am matulai. Io no matulai!

MALIAKI 1:14

Kaulas noyo ulun mamparuung ondo' nampataak ra bibiag ondo' kolondo' onong Raki', kaa' mokoondo' io ra bibiag ondo' moonsoi ra ngaangai' ru bibiag tinambiag nano ondo' binantu' nano Raki'; Aku noyo Raja' ondo' maayo, Tuhan Ondo' Maayo Kaga' Kuasa', am ngaangai' bansa' mangurumat Raki'.”

MATIUS 28:18

Inggaar i Jisus risilo am indagu, “Ngaangai' kuasa' ra suruga' am ra tana' ti pinataak noyo Raki'.

SAGULION 28:58

“Amon ru kalo totopot kau gumagaya' ra ngaangai' susuban ri Aki Kapuuno' ondo' natulisan ralalom ru kitab ti, am kalo mangurumat ra Tuhan i Aki Kapuuno' min ondo' maayo am makaimuag no,

SAGULION 7:21

Ginio ra pai' kalaa' ra bansa'-bansa' raginio. Tuhan i Aki Kapuuno' min mabaya' ramuyun; Io i Aki Kapuuno' ondo' matulai, am ondo' musiti' kalaanin.