Rondom raginio raja' am ngaangai' pagawai nano, am niayuk ngaangai' ulun ru Misir nangakarat. Tangi' mosongou maining ra titikop ru pagun ru Misir, sabap ra giu' ra moonong baloi makapinatayan ra anak ungkuyon.
Baalo' noyo atan inatangan mino, kaa' ngaangai' no kolondo' kasaukan! Pataso' noyo, kaa' ngaangai' no mamungawo ayuk, sabap ri Aki Kapuuno' mabaya' ramon!
Pai' guor ra Tuhan, am pai' kalaa' ra mamagun ru tana' raginio. Makapangala takau risilo ra maluoi. Tuhan mabaya' ritakau, am nakapangala Io noyo ra mangampin risilo; ginio ra pai' no kalaa'.”
“Paat ra akau mingkual koson mangayou ra pantula' min, pai' kalaa' paat akau makakito ra kurita' kuda, kuda am saujor ru pantula' ondo' masuang poyo intor ramuyun. Namayag noyo ramuyun Tuhan i Aki Kapuuno' min intor ra Misir mabaya' ramuyun.