MAZMUR 46:3 - Tanou Moonsoi Timugon

³ Ginio ra itakau kalo malaa', kabalu' pana tana' ti mogonggon am gunung-gunung maluyu' ra lonor ru raat;

MAZMUR 46:3 ပူးပေါင်းရင်းမြစ်များ

1 RAJA'-RAJA' 19:11

Indagu Tuhan riso, “Ingkual no intor ra luang batu no am bigor no ra saang Kutu giu' ra tampak ru gunung.” Kopongo raginio pansail Tuhan ra giu' no. Angin mapuor kaga' ondo' nampalapak ra gunung am nomopol ra kabuluran no siminigulu ra Tuhan, kaa' Tuhan kalo minintalang ralalom ru bagiu' mapuor kaga' no. Pokolonggo' bagiu' mapuor kaga' no, nasauk mogonggon, kaa' kalo minintalang Tuhan ralalom ru mogonggon no.

AYUP 38:11

Nambala' Aku riso, ‘Polos ragiti ayuk, am kalo boo kaaluron poyo! Giti noyo kinulun muno ondo' maikang musiti' lumonggo'.’

MAZMUR 18:4

Mampiau aku ra Tuhan ondo' maaya' omporon, am namayag Io raki' intor ra pantula' kuno.

JISAYA 5:3

Ginio ra rangan kuno minindagu, “Alii ra namagun ra Jirusalim am Jiuda, akimi' min aku no am umo ru anggur kuno.

JISAYA 54:10

Kabalu' pana gunung-gunung am bulur-bulur mauyog, kalo langgain Ku monogom rirun. Nabantuan pababansayan Kuno masalok Ku guuton,” kon ru Tuhan ondo' monogom rirun.

JIRIMIA 4:24

Tingaanon ku gunung-gunung – ngaangai' no nonontol, am bulur-bulur mangauyog.

JIRIMIA 5:22

Aku no Tuhan; kua pai' kau kalaa' Raki'? Kua pai' kau ponontol ra saang Kuno? Saukon Ku nagas koson ra balitan ru raat ondo' kalo masailan ra sabuoi-buoi no. Raat pana makakinulun am kinulun rumulun ra manggayo, kaa' kalo makasail ra balitan no.

MIKA 1:4

Ngaangai' gunung liminuu' ra ragana' ru kalayam Nano koson ra dian ralalom ru apui ondo' mapaang; tana' intor ra gunung lumuyu' mongoi ra limayak koson ra timug giu' ra rasawat ru bulur tumilis mongoi ra ragana'.

NAGUM 1:5

Gunung-gunung muyog giu' ra saang ru Tuhan; bulur-bulur lumuu' ra saang Nano. Tana' ti mogonggon paat ra Tuhan matong; tana' ti am ngaangai' ru mamagun nano monontol.

MATIUS 7:25

Paat ra rumasam maawas, mampaliur am masiob ru bagiu' mapuor, baloi ti kalo matungkob sabap ra pinatampak ra batu.

PINAINTALANG 16:20

Ngaangai' pulu' am gunung pana maliom.

PINAINTALANG 17:15

Indagu boo malaikat no raki', “Timug ondo' nakito muno, ondo' tinurungan ru ruandu' mantatalan ra inan no, ioginio papag-papag, bansa'-bansa', ragu-ragu, am pagun-pagun.