MAZMUR 46:2 - Tanou Moonsoi Timugon

² I Aki Kapuuno' sindungan am kaikangan takau; masalok Io masaga' mangindangan ritakau paat ra makakapaganan.

MAZMUR 46:2 ပူးပေါင်းရင်းမြစ်များ

2 SAMUIL 22:3

I Aki Kapuuno' kuno intok sindungan kuno, maayag aku mabaya' Riso. Manindung Io raki' koson ra perisai; manaung am magalung Io raki' maa' raginio maayag aku. Io mamamayag kuno; Io manindung raki' am mamayag raki' intor ra kalaatan.

MAZMUR 142:6

Iou Tuhan, mampiau aku ra makiindangan Rirun, Okou noyo manindung raki', Okou ayuk gogoton kuno ralalom ru kaayagan ti.

MAZMUR 18:7

Bulintok makakapaganan mampiau aku ra Tuhan; mampiau aku ri Aki Kapuuno' kuno koson makiindangan. Ralalom ru Baloi Nano rongogon No bolos kuno; talinaasin No pampiawan kuno.

MAZMUR 23:4

Kabalu' pana mansail aku ra intok ondo' mapiot kinolondom, kalo malaa' aku, iou Tuhan, sabap ra Okou mabaya' raki'. Manindung Kou raki' ra jujuga' am niayuk lalapos Muno.

MAZMUR 27:3

Kabalu' pana ngaangai' ru saujor liminiput raki', kalo malaa' aku; kabalu' pana pantula' kuno mongoi bulunsar raki', pangintapatan kuno ri Aki Kapuuno' kalo makulau.

MAZMUR 28:7

Tuhan no manindung am manungka' raki'; mangintopot aku Riso. Mangindangan Io raki' am mapabansuk ra guang kuno; omporon ku Io ra rimbai paringkuanangan.

MAZMUR 37:39

Ulun ra motopot bayagon ru Tuhan; sindungin No ilo paat ra kapaganan.

MAZMUR 59:17

Kaa' marimbai aku pasal ra kinaikang Muno, moonong susuab ti marimbai aku ra bolos matangil pasal ra togom Muno. Okou noyo sisindungan kuno, sindungan paat ra aku makakapaganan.

MAZMUR 62:8

Pamayagan kuno am kaatangan kuno lumansan ri Aki Kapuuno'; Io noyo manindung raki' ondo' maikang; Io noyo intok sindungan kuno.

MAZMUR 62:9

Akau bansa' kuno, pangintopot kano ri Aki Kapuuno' ra moonong bulintok. Pabalaa' min noyo Riso ngaangai' kapaganan mino, sabap ra Io noyo intok takau sumindung.

MAZMUR 82:5

Kolondo' napandayan min, mapara' piboo sasambungon mino! Sabap ra kolondo' guang min, katimpakan napuso noyo ra tana' ti.

MAZMUR 91:2

makaindagu Riso, “Okou noyo manungka' raki' am mangampin raki'. Okou noyo i Aki Kapuuno' kuno; mangintopot aku Rirun.”

JIRIMIA 14:8

Okou no rorondo' kalansanan ru Israil, ondo' namayag ramon intor ra karaat. Kua kia koson Okou ra ulun bansa' ru bokon giu' ra pagun mai, am koson ra ulun lalayau ondo' minapit sorondom am mugar?

NAGUM 1:7

Tuhan no moonsoi; manindung Io ra ulun Nano paat ra ilo mapagon, magalung Io ra ulun ondo' sumindung Riso.

MATIUS 21:21

“Karaa' min,” taam ri Jisus, “Amon ru mangintopot kau am kalo pagantangan guang, makabaal kau ra atan ondo' binaal Kuno ra puun ru ara ni. Sala' ka ginio ayuk, kaa' maindaguan min bulur ti, ‘Kakat no am patir no giu' ra raat!’ Baal raginio pana masauk.

LUKAS 21:33

Limbowon am tana' ti mapuso, kaa' ragu Kutu mantilayun.”

IBRANI 13:6

Intor raginio makakau' takau mindagu ra, “Tuhan noyo mangingindangan kuno, ginio ra kalo noyo malaa' aku. Kolondo' noyo maalap kabaal raki' ru ulun.”