MAZMUR 46:11 - Tanou Moonsoi Timugon

¹¹ Minindagu Io, “Langgai' noyo pangayawan, uligi' min noyo ra Aku ti i Aki Kapuuno', ondo' matulai intor ra ngaangai' bansa' am ra titikop ru tana' ti.”

MAZMUR 46:11 ပူးပေါင်းရင်းမြစ်များ

1 RAJA'-RAJA' 20:28

Sangulun nabi minuma' ra Raja' Agab am indagu, “Koon raginio ragu ru Tuhan: ‘Sabap no ra ulun ru Siria minindagu ra Aku ayuk makakuasa' giu' ra gunung am kalo makakuasa' giu' ra tana' marata', manaak Aku rirun ra kamanangan ra saujor nilo ondo' masuang kaga' no. Okou am mamagun muno makapandai ra Aku noyo Tuhan.’ ”

2 TUNUNG RU BANSA' ISRAIL 20:6

am pakiasi' boo ra bolos mosongou, “Iou Tuhan, i Aki Kapuuno' ru kinamatuaan maili, intor ra panturungan Muno giu' ra suruga', namarinta Kou ra bansa'-bansa' ra tana' ti. Okou makakuasa' am maikang kaga'! Kolondo' osoi pana makaanggal Rirun.

2 TUNUNG RU BANSA' ISRAIL 33:13

Iniou ri Aki Kapuuno' pakiasian ru Raja' Manasi am nangiou riso siminaguli' ra Jirusalim am niayuk namarinta poyo. Binaal ri Aki Kapuuno' no nampaintopot ra Raja' Manasi ra Tuhan no i Aki Kapuuno'.

MAZMUR 46:1

Mazmur ru bansa' ri Kora. Ra tingganai santimungan maririmbai. Ra rimbai ri Alamot.

MAZMUR 46:7

Ngaangai' bansa' mangalaa', ngaangai' pamarintaan monontol; bulintok ri Aki Kapuuno' maningkalur, tana' ti pana magagai.

MAZMUR 48:3

Sion, bulur ri Aki Kapuuno', masawat am maantak; bandar ru Raja' ondo' matulai mapabansuk ra titikop ru tana' ti!

JISAYA 2:11

Masaboi orou ra limbau ru ulun liomon am minsawat guang ru ulun pusoon. Bagu no Tuhan ayuk omporon.

JISAYA 2:17

Limbau ru ulun liomon No, am minsawat guang ru ulun pusoon No. Ngaangai' sinungkalalaing liomon No saboi mapuso, am Tuhan ayuk omporon ra orou raginio.

JIRIMIA 16:19

Iou Tuhan, Okou noyo ondo' manindung raki' am mangani' raki' ra kaikangan; Okou noyo mangindangan raki' paat ra kapaganan. Bansa'-bansa' intor ra pompor ru tana' ti am matong Rirun am mindagu, “Kinamatuaan mai mokoondo' ayuk ra tuhan kalo motopot am kolondo' noyo toojo onong.

SAGULION 33:27

I Aki Kapuuno' ondo' mantilayun masauk ra mangampin ramuyun, am kalindu' Nano manungka' ramuyun. Paat ra akau jumalai, napagiru' Io ra pantula' min, am nanusub ramuyun mamuso risilo ngaangai'.