MAZMUR 46:10 - Tanou Moonsoi Timugon

¹⁰ Pinolonggo' No pangayawan ra titikop ru tana' ti; pinandak No tanggayan ru panah, tanggulan am gagampin sinolob.

MAZMUR 46:10 ပူးပေါင်းရင်းမြစ်များ

1 RAJA'-RAJA' 18:36

Paat ra mapataak ra taak simbalui ru mamai', inggaari' ru Nabi Ilia altar no am pakiasi', “Iou Tuhan, i Aki Kapuuno' ri Abragam, i Isak am i Jakub, raino painonoo' ra Okou i Aki Kapuuno' ru Israil am ra aku ti ulipon Muno. Painonoo' niayuk ra binaal ku gitio ngaangai' sumugut ra susuban Muno.

2 RAJA'-RAJA' 19:12

Kinamatuaan kuli namuso ra bandar Gojan, Aran am Rijip am niayuk namatoi ra ulun ru Idin ondo' minayan giu' ra Tilasar. Kolondo' rondo' pana dewa nilo nakapamayag risilo.

2 RAJA'-RAJA' 6:23

Ginio ra nambaal raja' ru Israil no ra bunsag maayo risilo. Pakaakan am pakainum ilo, panusub raja' no risilo muli' ra raja' ru Siria. Intor ragili ulun ru Siria kalo boo namulunsar ra pagun ru Israil.

1 TUNUNG RU BANSA' ISRAIL 29:11

Okou maayo kaga' am makakuasa'. Matulai Kou, masawat kaga' am maayo kaga'! Ngaangai' giu' ra limbowon am ra tana' ti longgom Muno. Okou no raja' ra maayo kaga', panguasa' ra ngaangai' no.

MAZMUR 100:3

Iowo' noyo ra Tuhan no i Aki Kapuuno'. Io namangun ritakau, am itakau longgom Nano; itakau ulun Nano, bansa' ra inalungan Nano.

MAZMUR 21:13

Pabakison ru raja' no panah nano patingkuangon risilo, am mangkinibit ra ilo maruli' koson kalo makasansal.

MAZMUR 37:15

kaa' ilang tumobok ra inan nilo galama', am tanggayan ru panah nilono pandakon.

MAZMUR 57:5

Pantula' kuno manguyung raki', ilo koson ra singa' mangakan ra ulun. Ripon nilono koson ra tanggulan am panah; rila' nilono koson ra ilang ondo' malarom.

MAZMUR 83:18

Polosoo' ilo kalaan am malaa' ra sabuoi-buoi no; polosoo' ilo matoi ra asabin!

KAINGKUALAN 18:11

Nakapandai aku ra Tuhan maayo poyo intor ra ngaangai' tuhan, sabap ra nambaal Io ra ngaangai' no paat ra liminaat ulun ru Misir ra ulun ru Israil.”

JISAYA 2:11

Masaboi orou ra limbau ru ulun liomon am minsawat guang ru ulun pusoon. Bagu no Tuhan ayuk omporon.

JISAYA 2:17

Limbau ru ulun liomon No, am minsawat guang ru ulun pusoon No. Ngaangai' sinungkalalaing liomon No saboi mapuso, am Tuhan ayuk omporon ra orou raginio.

JISAYA 2:4

Akimin No ngaangai' bansa' am manalasai ra pansasangaran nilono. Ilang nilo saukon ra radu', am tanggulan saukon ra pais pamutul. Ngaangai' bansa' kalo boo mangayou am kalo boo tumampos mongoi pamulunsar.

JISAYA 5:16

Ginio noyo ra Tuhan Ondo' Maayo' Kaga Kuasa' mampakito ra katulayan Nano koson mambaal ra atan ondo' motopot, am niayuk mapatalang ra katulayan Nano koson mangakim ra ulun Nano.

JIRIMIA 49:35

Indagu Io, “Potoyon Ku ngaangai' ulun ru pulalai mamanah ru Ilam, sabap ra ilo noyo ondo' nampasauk ra Ilam maikang kaga'.

YEHEZKIEL 30:8

Mopongo Aku monolob ra Misir am mamatoi ra ngaangai' ulun manungka' riso, bagu no makapandai ilo ra Aku noyo Tuhan.

YEHEZKIEL 38:23

Koson noyo raginio ra Aku mampakito ra kinaayo am kinatulai Kuno ra ngaangai' bansa'. Makapandai ilo boo ra Aku noyo Tuhan.”

YEHEZKIEL 39:3

Mopongo raginio lambaan Ku panah nano saboi malabusan intor ra kalindu' ra kait nano, am mamparatu' ra anak panah intor ra kalindu' ra pamiris nano.

MIKA 4:3

Manalasai Io ra pansangaran ra gino ngai' ru bansa'-bansa', ra gino ngai' ru kuasa'-kuasa' maayo ondo' mamaar am ondo' maalur. Mampalarom ilo ra ilang-ilang nilo masauk ra radu', am tutura' nilo masauk ra pais pamutul. Bansa'-bansa' kalo boo makapangayou, am kalo boo tumampos ra mangayou.

ABAKUK 2:20

Tuhan soroi giu' ra ralalom ru Baloi Nano ondo' matulai; ngaangai' ulun ru tana' ti musiti' mongkoror giu' ra saang Nano.

JAKARIA 2:13

Akau ngaangai' ulun, pongkoror kano ra saang ru Tuhan sabap minintor Io noyo intor ra intok inayanan Nano ondo' matulai.

JOSUA 11:6

Kaa' indagu Tuhan ri Josua, “Pai' kalaa' risilo! Susuab no, olo'-olo' paat koson ragitio, mamatoi Aku risilo ngaangai' am mapataak risilo ra Israil. Paat raginio tibaso' kuda-kuda am solobo' kurita' kuda nilono.”

JOSUA 11:9

Namakuan ri Josua ra pantula' nontopot ra susuban ru Tuhan; tinibasan no kuda-kuda am nonolob ra kurita' kuda nilono.

1 SAMUIL 17:46

Orou raiti' niayuk Tuhan no mapataak rirun ra ralalom ru kalindu' kutu. Kalaan tokou am manginggulu' ra ulu muno. Pataakin ku inan ru saujor Palistin ra susuit am bibiag maa' raginio akanon. Kon raginio noyo ra titikop ru tana' ti makapandai ra akai, bansa' ru Israil ti mokoondo' ri Aki Kapuuno'.

1 SAMUIL 2:4

Napandak noyo busur ru saujor ondo' mapanggol, kaa' nasauk boo ulun ondo' malawo ra mapanggol.