MAZMUR 45:4 - Tanou Moonsoi Timugon

⁴ Pooboto' ilang ra awak muno, okou raja' mapanggol, okou no raja' ra totopot uramaton am maatang kaga'!

MAZMUR 45:4 ပူးပေါင်းရင်းမြစ်များ

MAZMUR 65:5

Pakaansuk noyo ilo ondo' pinili' Muno, ilo ondo' inibit Muno minayan ra Baloi Muno. Giu' ra Baloi Muno, basugon Mu akai ra ngaangai' ondo' moonsoi, barakat Muno ramon giu' ra ayanan Muno ondo' matulai.

PINAINTALANG 19:11

Kakito ku boo suruga' no naukab am mokoondo' sanginan kuda mapulak. Ondo' nangura' no ininggalanan i Mampagagaya' am i Motopot. Matimpok Io ra mangukum am mangayou ra bokon.

PINAINTALANG 6:2

Ilai' ku boo sanginan kuda mapulak am ondo' siminakoi no nampaguut ra panah am io ti inanian ra rondo' karaun. Minugar io koson ra sangulun ondo' nangala noyo ra pantula' nano.

MATIUS 11:29

Gagayaa' noyo susuban Kuno am igigila' kano Raki', sabap ra Aku ti mataau am minggana' guang am akau pana makaalap ra kaansayan.

JAKARIA 9:9

Pakaansuk kano, akau mamagun ru Sion! Pagitapap kano, akau mamagun ru Jirusalim! Ilai', raja' min matong! Matong io ra katulayan am kamanangan, kaa' ra minggana' guang, matong io nangura' ra kaladai, am nangura' ra anak kaladai ondo' mamulok.

PINAINTALANG 11:18

Ngaangai' ulun ondo' kalo nangintopot Rirun siminangit toojo, sabap ra nasuku' noyo orou Okou mambalos, am pangakiman Muno ra ulun namagatoi nasuku' noyo. Nasuku' noyo orou Okou mangani' ra ampos ra ulipon-ulipon Muno, ioginio nabi-nabi, am ra ngaangai' ondo' mangintopot am mangurumat Rirun, maatang am kalo maatang. Nasuku' noyo orou mamuso risilo ondo' mampalunsai ra tana' ti.”

2 TISALONIKA 3:1

Pupus ti, pabukat ku ngai' pakiasi' kano ramon ra Tuhan, maa' raginio bala' ru Tuhan mataki' makatanou am apuon mabaya' ra urumat, mogondo' koson ra intok min ragili.

1 TISALONIKA 2:13

Gitio rondo' poyo sasaban ra akai masalok maringkuanang ri Aki Kapuuno', ra nangkirongog am nangapu kau po ra tanou intor ri Aki Kapuuno' ondo' pinasaboi maili. Nangapu kau ra tanou no sala' ka koson ra tanou intor ra ulun, kaa' koson ra totopot i Aki Kapuuno' noyo intor ru tanou no. Am Io po nampasauk ramuyun nangintopot ri Kristus.

1 TISALONIKA 1:5

Ginio nai ra pampatanawan mai ra Tanou Moonsoi ti ramuyun i, sala' ka raragu ayuk, kaa' mabaya' ra kuasa' ru Ambiluo ri Aki Kapuuno' am mabaya' poyo ra kapandayan ra Tanou Moonsoi no motopot. Nakapandai kano ati kulaan kiralan ru kaayagan maili paat ra akai soroi ramuyun, koson nampakaatang akai ayuk ramuyun.

2 KORINTUS 10:1

Aku, i Paulus, mangitaak ramuyun, aku ondo' raguon ra molomoi paat ra makatuum ramuyun, kaa' baani paat ra makapaginggalur ramuyun. Sabap ra kinolomoi am kinataau ru guang ri Kristus, kitaakon takamin

JUANIS 14:6

Taam i Jisus riso, “Aku noyo ralan, katapatan am kaayagan. Kolondo' sangulun pana mokoongoi ri Ama', amon ru kalo mansail io Raki'.

JUANIS 1:17

Pinabala' galing ra nabi Musa, pinataak ri Aki Kapuuno' ritakau Ukum ri Musa, kaa' ralalom inggalan ri Jisus Kristus, pinakito ri Aki Kapuuno' ritakau togom am pampagagayaan Nano.

LUKAS 19:27

Ilo ondo' nakimantula' raki', ondo' marara' ra aku saukon ra raja', rokopo' am potoyo' min ilo ngaangai' ra saang kutu!’ ”

MAZMUR 60:4

Ginonggon Mu tana' ti suku' nalapak; punaa' noyo nangapilang no sabap ra tana' ti mauyog.

MAZMUR 2:9

Kuliagayon mu ilo ra pamarintaan ru kalindu' basi'; kuliagayon mu ilo koson ra pagangan ru tana'.’ ”

PINAINTALANG 20:15

Osoi ayuk ondo' inggalan nano kalo tinulisan ra ralalom ru kitab ru Ulun Mokoowot ra Kaayagan Motopot, patirin io ra tasik ru apui.

JISAYA 11:5

Parintaan no ulun nano ra matimpok am ralalom kabanisan ru guang.