MAZMUR 44:17 - Tanou Moonsoi Timugon

¹⁷ sabap ra mangining ra pangiisan am pagasaban ondo' paingkualon ru pantula' am ilo ondo' masisang.

MAZMUR 44:17 ပူးပေါင်းရင်းမြစ်များ

MAZMUR 44:20

Kaa' nanatang Kou ramon ondo' kolondo' lulu' ra bibiag masigo; nanatang Kou ramon ralalom molondom mapiot.

MAZMUR 78:57

Lumaat ilo am kalo gumagaya' koson niayuk ra kinamatuaan nilai; koson ra panah napikong, kalo malansanan ilo.

MAZMUR 78:7

Koson raginio malansan ilo ri Aki Kapuuno', am kalo mampalilian ra binaal Nali, kaa' masalok gumagaya' ra panusuban Nano.

MAZMUR 9:17

Tuhan galama' napabala' ra Io no matimpok toojo; ulun malaat nakasulung sabap ra atan ondo' binaal nilo galama'.

JISAYA 17:10

Alii ra Israil, nalilianan mu i Aki Kapuuno' ondo' namayag rirun, am ondo' nanindung rirun koson ra gunung batu. Kaa' tinanaman mu umo-umo maantak koson ra dewa-dewa.

JIRIMIA 2:32

Mokoondo' kia ralaa ondo' makalilian ra limpor nano, kapoam ruandu' uoton ondo' makalilian ra bayang nano? Kaa' ulun Kuno nakalilian Raki' ra nabuoi kaga' – suang ru orou no kalo boo mauntob.

JIRIMIA 31:32

Nabantuan no sala' ka koson ra nabantuan ondo' binaal Kuno ra kinamatuaan nilai paat ra Aku nagibit risilo miningkual intor ra Misir. Kabalu' pana koson Aku ti ra sangulun ralaki risilo, kaa' inanggal nilo nabantuan Kuno risilo.

YEHEZKIEL 16:59

Indagu Tuhan Raja', “Kalo namimii' pamakuan Kuno rirun, sabap ra liminungkang kou ra bantu'-bantu' muno am niayuk inanggal mu nabantuan ondo' binaal Kuno rirun.

YEHEZKIEL 20:37

“Moporos pamakuan Kuno ramuyun maa' raginio gumagaya' kau ra nabantuan Kuno.

DANIL 9:13

Nangukum Kou ramon siminugut ra ngaangai' ondo' natulisan ralalom ru Ukum ri Musa. Raino pana, iou Tuhan, i Aki Kapuuno' mai, kalo minirot akai koson mapabansuk ra guang Muno. Kalo timinalikur akai intor ra tula mai kapoam siminugut ra pangilaan Muno ondo' motopot.

SAGULION 6:12

pagilalain maa' raginio kalo malilianan min Tuhan ondo' nagibit ramuyun miningkual intor ra Misir, intok min inulipon ragili.

SAGULION 8:14

tutuno' noyo maa' raginio kalo malilimbau kau, am kalo lilianin Tuhan i Aki Kapuuno' min ondo' nagibit noyo ramuyun miningkual intor ra Misir, intok min inulipon ra galing i.