MAZMUR 44:15 - Tanou Moonsoi Timugon

¹⁵ Sinauk Mu akai ra asasabin ru ngaangai' bansa'; sapisik-pisik ilo ayuk am mangalimut ramon.

MAZMUR 44:15 ပူးပေါင်းရင်းမြစ်များ

MAZMUR 69:7

Pai' aku polosoo' mapakauyu' ra ulun ondo' lumansan Rirun, iou Tuhan Raja' Ondo' Maayo Kaga' Kuasa'! Pai' aku polosoo' mapakauyu' ra ulun ondo' sumamba Rirun, iou Aki Kapuuno' ru ulun ru Israil!

JIRIMIA 51:51

Kamin, ‘Inasaban am tinauyu' akai; totopot akai kalo maikang sabap ra ulun bansa' ru bokon minayan ra lamin-lamin matulai giu' ra Baloi ru Tuhan.’

JIRIMIA 3:25

Ginio ra, polosoon akai mansaan ra uyu' am polosoon akai asasabin. Akai am kinamatuaan maili masalok makatula ra Tuhan, i Aki Kapuuno' mai; kalo igondo' akai gagaya' ra susuban Nano.”

MAZMUR 89:45

Kuasa' nano ra maantak pinolonggo' Mu, am panturungan nano pinatiran Mu ra tana'.

MAZMUR 71:13

Polosoon noyo ilo ondo' mangayou raki' no kalaan am niayuk pusoon! Polosoon noyo ilo ondo' kuminam mangurana' raki' no tauyuon am asabin!

IJRA 9:6

Indagu aku, “Iou i Aki Kapuuno' kuno, mauyu' aku kaga' tumungar ra saang Muno. Tula mai nansusunu' giu' ra rasawat ru ulu saboi ra limbowon.

2 TUNUNG RU BANSA' ISRAIL 32:21

Nangator Tuhan ra rondo' malaikat ondo' namatoi ra saujor-saujor am pagawai-pagawai ru saujor pagun ru Asyur. Raja' ru pagun ru Asyur pana minuli' boo ra pagun nano ra nauyu' kaga'. Paat ra sangarawan, paat ra raja' ru Asyur soroi giu' ra kuil ru sinungkalalaing nano, kukula' ngaulun anak ungkuyon nano namatoi riso ra ilang.

1 RAJA'-RAJA' 9:7

patirin Ku ulun Kuno Israil intor ra pagun ondo' tinaakan Kuno risilo. Iruanin Ku niayuk Baloi ti ondo' timpokon Ku koson ra intok sumambayang Raki' ayuk. Ulun giu' ra ati-ati intok no manauyu' am magasab ra ulun ru Israil.

AYUP 17:6

Raino iniis aku ra ragu amsal no; minatong ilo am nantiwog ra bulos kuno.

SULABOI 2:15

Ngaangai' ulun ondo' nansail ra bandar muno magasab rirun. Ulu nilo pisik-pisik am makakurit magilong ra Jirusalim nalunsai. Nangkuot ilo, “Gitio kia bandar ondo' sabiton ra moonsoi kaga' am nasauk ra kalimbawan nilo?”