MAZMUR 43:3 - Tanou Moonsoi Timugon

³ Taaki' noyo sinda Muno am ragu Muno ondo' motopot koson manampulau am mangila' raki', maa' raginio makasaguli' aku ra Sion, bulur Muno ondo' matulai, am mongoi ra intok Muno.

MAZMUR 43:3 ပူးပေါင်းရင်းမြစ်များ

2 SAMUIL 15:20

Kalo poyo nabuoi kou minayan ragiti, am marara' aku ra okou maya' raki' tumanggau. Aku galama' kalo nakapandai ra ati angayan kutu. Uli' no am ibito' niayuk rangan sabansa' muno. Gama' ru motogom Tuhan no rirun am mampagagaya' ramuyun.”

2 SAMUIL 15:25

Kopongo raginio kon ru raja' no ri Jadok, “Pasagulio' Kaban Nabantuan no ra bandar. Amon ru maansayan Tuhan no raki', maaru' mangiou io raki' saguli' am makakito ra Kaban Nabantuan no poyo, am niayuk intok ru Kaban Nabantuan no binulian.

1 TUNUNG RU BANSA' ISRAIL 16:1

Pinabanta' nilo Kaban Nabantuan no giu' ra ralalom ru kim ondo' tinampos noyo ru Raja' Daut. Kopongo raginio nampataak ilo ra taak-taak simbalui koson mapabansuk ra guang ru Tuhan am taak-taak simbalui koson makibarakat Riso.

1 TUNUNG RU BANSA' ISRAIL 16:39

Imam Jadok am imam-imam ra bokon pinangandoi koson manalingapu ra sambayang ra Tuhan giu' ra intok sambayangan giu' ra Gibion.

1 TUNUNG RU BANSA' ISRAIL 21:29

Paat raginio Kim ru Tuhan ondo' binaal ri Musa giu' ra tana' kaagisan, am altar intok pampataakan ra taak simbalui koson mapabansuk ra guang ru Tuhan, lakat poyo giu' ra intok sambayangan giu' ra Gibion.

MAZMUR 119:105

Ragu Muno titiu ondo' maningganai raki', am sinda ondo' manampulau ra ralan kuno.

MAZMUR 143:10

Okou no i Aki Kapuuno' kuno; ilaa' aku mambaal ra kasagaan Muno. Koonsoi no raki', am pangaak raki' mongoi ra ralan matanda'.

MAZMUR 2:6

Minindagu Io, “Giu' ra Sion, bulur Kuno ondo' matulai, pinasauk Ku noyo raja' Kuno.”

MAZMUR 3:4

Kaa' Okou, iou Tuhan, ampin noyo ondo' manindung raki'. Manaak Kou raki' ra kamanangan am mapasaguli' ra ambiluo kuno.

MAZMUR 36:9

Naasug ilo ra akanon giu' ra Baloi Muno; pinainum Mu ilo intor ra sungoi moonsoi Muno.

MAZMUR 40:11

Kalo buliin ku tanou pamayagan raginio ralalom ru guang, masalok aku mantunung ra indangan am gagaya' Muno. Ralalom pantitimungan ru ulun Muno, kalo igondo' aku pongkoror intor ru gagaya' am togom Muno.

MAZMUR 42:4

Orou rondom aku mantangi', lomou ayuk akanon kuno; magail ayuk pantula' kuno mangkuot raki', “Ati kia i Aki Kapuuno' muli?”

MAZMUR 46:4

kabalu' pana raat no mangulun am lumuab kinulun, am gunung mauyog toojo.

MAZMUR 57:3

Ri Aki Kapuuno' Ondo' Masawat Kaga' piawon ku, Io noyo i Aki Kapuuno' ondo' nakapandai ra kasagaan kuno.

MAZMUR 57:4

Intor ra suruga' taamon am bayagon No aku; kalaan No ulun ondo' mangulipon raki'. I Aki Kapuuno' manulu' raki' ra togom am gagaya' Nano raki'.

MAZMUR 78:68

Kaa' pinili' No bansa' ri Jiuda am Bulur Sion ondo' topot-topot tagamin No.

MAZMUR 84:1

Ra tingganai ru santimungan maririmbai. Sumugut ra rimbai ri: Gitit. Mazmur ru bansa' ri Kora.

MAZMUR 97:11

Kinoonsoi ri Aki Kapuuno' no makasinda koson ra sinda ru ulun mabanis guang, am mapabansuk ra ulun moonsoi.

MIKA 7:20

Mampakito Kou ra gagaya' Muno am togom Muno ondo' mantilayun ra ngaangai' ulun Muno, papag ri Abragam am Jakub, koson ondo' binantu' Muli ra kinamatuaan mai ra galing i.

MIKA 7:8

Pantula' takau kolondo' sasaban koson makaansuk ra naratuan takau. Kabalu' pana maratu' takau, kaa' tumirong takau saguli'. Raino soroi takau ralalom kalandaman, kaa' Tuhan mansilau ritakau.

JUANIS 1:17

Pinabala' galing ra nabi Musa, pinataak ri Aki Kapuuno' ritakau Ukum ri Musa, kaa' ralalom inggalan ri Jisus Kristus, pinakito ri Aki Kapuuno' ritakau togom am pampagagayaan Nano.

JUANIS 1:4

Ragu ti noyo puun ru ngaangai' kaayagan, am kaayagan ti mampakasinda ra ulun.