MAZMUR 43:2 - Tanou Moonsoi Timugon

² Okou noyo manindung raki'; kua kia panatang Kou raki'? Kua kia tanduusi' ku magiba' ra imbolo' kinibit ru kalaatan ru pantula' kuli?

MAZMUR 43:2 ပူးပေါင်းရင်းမြစ်များ

1 TUNUNG RU BANSA' ISRAIL 28:9

Ri Salomo boo, indagu Raja' Daut, “Okou anak kuno, musiti' i Aki Kapuuno' ondo' sambaan ru ama' muti, iowon mu koson ri Aki Kapuuno' muno. Musiti' kau mangandoi ayuk Riso ra kabanisan ru guang am guang ra masaga' toojo, sabap ra Io nakapandai ra ngaangai' karaan am kasagaan ru guang takau. Amon ru maguyum kou Riso, moowot mu Io, kaa' amon ru iruanin mu Io, impayin No okou ra sabubuoi no.

MAZMUR 140:7

Mindagu aku ra Tuhan, “Okou noyo i Aki Kapuuno' kuno.” Rongogo' noyo pampiawan kuno makiindangan, iou Tuhan!

MAZMUR 28:7

Tuhan no manindung am manungka' raki'; mangintopot aku Riso. Mangindangan Io raki' am mapabansuk ra guang kuno; omporon ku Io ra rimbai paringkuanangan.

MAZMUR 31:4

Okou no kalansanan am manungka' raki'; ilaa' aku no maya' ra bantu' Muli.

MAZMUR 42:10

Ri Aki Kapuuno', manungka' raki', mindagu aku, “Kua kia pampalilian Kou raki'? Kua kia tanduusi' ku magiba' ra imbolo', kinibit ru kalaatan ru pantula' kuli?”

MAZMUR 42:9

Gama' ru mapakito Tuhan ra togom Nano bulintok matawang; maa' raginio mokopongompor aku Riso bulintok rondom, am makiasi' ri Aki Kapuuno', puun ru kaayagan kuno.

MAZMUR 44:9

Kalo langgain mai mongompor Rirun am maringkuanang Rirun ra sabuoi-buoi no.

MAZMUR 71:9

Pai' aku impayi' raino sabap ra matutuo aku noyo; pai' aku tatango' raino sabap ra malawo aku.

MAZMUR 77:7

Masuaban aku mangkara'; mikukuot aku ralalom ru guang,

MAZMUR 88:15

Iou Tuhan, kua impayi' Mu aku? Kua pasibunio' Mu inan Muno intor raki'?

MAZMUR 94:14

Tuhan kalo manatang ra ulun Nano; kalo impayin No ulun ondo' nasauk ra longgom Nano.

KAINGKUALAN 15:2

Tuhan manaung raki' ondo' maikang; Io noyo namayag raki'. Io i Aki Kapuuno' kuno, am mongompor aku Riso; Io i Aki Kapuuno' ondo' sambaan ri ama' i, am marimbai aku ra kinaayo Nano.

JISAYA 40:31

Kaa' ulun ondo' lumansan ra Tuhan, mokoowot ra kaikangan bagu. Ilo koson ra susuit kanui, ondo' minsawat pansiab ralalom kaikangan ru kawo nano. Masimbul ilo am kalo maagui; mugar ilo am kalo lumami'.

JISAYA 45:24

“Ulun-ulun mindagu, ‘Katimpakan am kaikangan intor ayuk ra Tuhan!’ Ngaangai ulun ondo' masisang Raki' matong ilo Raki' am tauyuon.

JAKARIA 10:12

Kaikangon Ku ulun Kuno; sumambayang ilo am gumagaya' Raki'.” Tuhan nakaindagu noyo.

IPISUS 6:10

Pupus no, kaikang kano ralalom pasimpungan min ra Tuhan ralalom ru kuasa' Nano ondo' maayo kaga'.

PILIPI 4:13

Am ngaangai' maalap ku kabaal ralalom ri Kristus ondo' mangani' raki' ra kaikangan.