MAZMUR 42:4 - Tanou Moonsoi Timugon

⁴ Orou rondom aku mantangi', lomou ayuk akanon kuno; magail ayuk pantula' kuno mangkuot raki', “Ati kia i Aki Kapuuno' muli?”

MAZMUR 42:4 ပူးပေါင်းရင်းမြစ်များ

2 RAJA'-RAJA' 18:30

Pai' polosoo' Raja' Gijkia manusub ramuyun malansan ra Tuhan. Pai' karaa' ra mamayag Tuhan ramuyun, am manginggalar ra pulalai ru saujor ru Asyur mampagaau ra bandar min.

2 RAJA'-RAJA' 18:32

saboi ra raja' ru Asyur mapabanding ramuyun giu' ra pagun ondo' nogondo' ra pagun min. Giu' no mokoondo' masuang umo ru anggur ondo' manangampos ra wain am gandum koson mambaal ra ruti'. Pagun no nososok ra puun ru jaitun, am ruu' ru maningot. Amon ru gumagaya' kau ra susuban ru raja', maayag kau am kalo matoi. Pai' karuung ru Raja' Gijkia. Pai' karaa' ra mamayag Tuhan no ramuyun.

2 TUNUNG RU BANSA' ISRAIL 7:10

Suabon no boo, orou ra karuo ngoopor am talu sila' katulu', nanusub Raja' Salomo ra ngaangai' ulun no muli'. Ilo ngaangai' naansukan sabap ra barakat-barakat ondo' tinaakan ru Tuhan ra ulun Nano Israil, ri Raja' Daut, am Raja' Salomo.

AYUP 29:2

“Amon ru kaayagan kuno makasaguli' koson ragili, paat ri Aki Kapuuno' manindung raki'.

MAZMUR 100:4

Subol no baya' ra kulobon ru garabang Nano liliwa' maringkuanang, ongoi no ra lisar ru Baloi Nano liliwa' mongompor. Paringkuanang no Riso am omporo' noyo Io.

MAZMUR 102:10

Kaau masauk ra akanon kuno, am inumon kuno mararatok ra lomou

MAZMUR 115:2

Kua kia pangkuot ngaangai' bansa', “Atibo kia i Aki Kapuuno' nilono?”

MAZMUR 122:1

Rimbai ru ratangan ri Daut. Maansukan aku amon ulun mindagu raki', “Ibok no ongoi takau ra baloi ru Tuhan.”

MAZMUR 122:8

Koson kaansayan ru rangan am pabukat kuno, mindagu aku ra Jirusalim, “Gama' ru moonsoi kou!”

MAZMUR 55:14

Kaa' okou ti, rangan kuno, rangan kuno am niayuk paganja' kuno ra molongkot.

MAZMUR 62:8

Pamayagan kuno am kaatangan kuno lumansan ri Aki Kapuuno'; Io noyo manindung raki' ondo' maikang; Io noyo intok sindungan kuno.

MAZMUR 79:10

Pai' polosoo' bansa'-bansa' ra bokon mangkuot, “Ati i Aki Kapuuno' mini?” Ukumi' noyo bansa'-bansa' raginio ra saang mai sabap ra napasasar ilo ra raraa' ru ulipon-ulipon Muli.

MAZMUR 80:6

Manaak Kou ramon ra imbolo' koson ra akanon, am lomou ra masuang koson ra inumon.

JISAYA 30:29

Kaa' akau ngai' ulun ri Aki Kapuuno', makaansuk am marimbai koson ra rondom pangiantakan ru ugama! Maansukan kau koson risilo ondo' mugar ondo' sinumbaya' ru tulali sumuku' ra Baloi ru Tuhan, manungka' ru Israil.

SULABOI 2:19

Ruruli' no tumirong ra mosorondom, am piawo' noyo Tuhan; pabalaa' ngai' suang ru guang muno am pakimasi' no koson ra anak-anak muno, anak-anak ondo' tatanga' maitilan giu' ra moonong lisangon ru ralan.

SULABOI 4:1

Mas ondo' manguliat nasauk noyo ra maitom-itom; batu-batu ru Baloi ru Tuhan pinalayak giu' ra ralan.

YEHEZKIEL 46:10

Ulun manguasa' musiti' sumubol ra Baloi ru Tuhan mababaya' ra mamagun, am mingkual mababaya' ra mamagun.

JOIL 2:17

Imam-imam ondo' mangandoi ayuk ra Tuhan giu' ra lolot ru altar am langgar ra tingganai Baloi ru Tuhan, musiti' mantangi' am makiasi' koson ragitio, “Pakaasi' no ra ulun Muno, iou Tuhan. Pai' polosoo' bansa' ra bokon magasab am mangiis ramon am mindagu, ‘Ati kia i Aki Kapuuno' min?’ ”

NAGUM 1:15

Ilai', sangulun sinusub matong mansail ra gunung-gunung koson mampasaboi ra tanou moonsoi. Matong io koson mampatanou ra kamanangan! Mamagun kau ngai' ru Jiuda, pangiantak kano ra pangiantakan min am suguto' noyo nazar ondo' binantu' min ri Aki Kapuuno'. Ulun malaat totopot kalo boo mamulunsar ra pagun min. Pinuso ilo noyo ra malingon.

LUKAS 16:25

Kaa' taam i Abragam, ‘Aki, karaa', paat ra okou naayag inanian kou ra ngaangai' ondo' moonsoi, am i Lajarus nakaalap ra ngaangai' ondo' malaat. Kaa' raino makaansuk i Lajarus ragiti, am okou maimbolo' toojo.

SAGULION 16:11

Pakaansuk noyo ra saang ru Tuhan, mabaya' ra anak-anak mino, mangngandoi mino, ulun ru Liwi, ulun bansa' ru bokon, anak nailusan ra matuo, am napuor ondo' minayan ra bandar-bandar mino. Baalo' noyo baal raginio giu' ra rondo' intok sambayangan no.

RUT 1:21

Galing i paat ra aku nanatang ra intok ragitio naukapan aku, kaa' raino inibit aku saguli' ru Tuhan am kolondo' atan-atan. Intor raino pai' aku boo piawo' ri Naomi, sabap inukum aku noyo ru Tuhan ra masuang kaimbalaan.”