Ri Aki Kapuuno', manungka' raki', mindagu aku, “Kua kia pampalilian Kou raki'? Kua kia tanduusi' ku magiba' ra imbolo', kinibit ru kalaatan ru pantula' kuli?”
Pai' polosoo' bansa'-bansa' ra bokon mangkuot, “Ati i Aki Kapuuno' mini?” Ukumi' noyo bansa'-bansa' raginio ra saang mai sabap ra napasasar ilo ra raraa' ru ulipon-ulipon Muli.
Makaguang-guang aku toojo mayan ra giu' no. Moondom aku kaga' mayan ra Baloi ru Tuhan. Ralalom sotopot ru guang, maansukan aku marimbai ri Aki Kapuuno' ondo' maayag.
Imam-imam ondo' mangandoi ayuk ra Tuhan giu' ra lolot ru altar am langgar ra tingganai Baloi ru Tuhan, musiti' mantangi' am makiasi' koson ragitio, “Pakaasi' no ra ulun Muno, iou Tuhan. Pai' polosoo' bansa' ra bokon magasab am mangiis ramon am mindagu, ‘Ati kia i Aki Kapuuno' min?’ ”
Paat raginio pantula' takau makakito ra baal ondo' binaal ru Tuhan ritakau, am ilo pana tauyuon. Ilo no pantula' magagasab ritakau ragili am mindagu, “Ati boo Tuhan, i Aki Kapuuno' mino?” Magilong takau risilo kalaan am kikinjangin koson ra losok giu' ra ralan.