MAZMUR 41:9 - Tanou Moonsoi Timugon

⁹ Mindagu ilo, “Malanjag maruol nano am kalo boo makasukal intor ra kaalangan no.”

MAZMUR 41:9 ပူးပေါင်းရင်းမြစ်များ

2 SAMUIL 15:12

Liliwa' ri Absalom mampataak ra taak simbalui, nangator io niayuk ra ulun sinusub ra bandar Gilo koson mampiau ri Agitopil, sangulun intor ra maminson ra Raja' Daut. Koon raginio noyo baal nampakatan koson manggal ra Raja' Daut lumanja' ikang, am maamaya' ri Absalom lumanja' suang.

AYUP 19:13

Pinainggalur ri Aki Kapuuno' pabukat-pabukat kuno intor raki'; nasauk aku ra ulun bansa' ru bokon ra ulun nakaulig raki'.

AYUP 19:19

Rangan toojo kuno mataman magilong raki', ilo ondo' tagamin ku kaga' nangiruan raki'.

MAZMUR 101:3

kalo polosoon ku kalaatan no masauk. Masisang aku ra baalon ru ulun ondo' siminiang; kalo masaga' aku kumubayau risilo.

JIRIMIA 20:10

Mokorongog aku ra ulun mongkonos ra ati ayuk, “Kalaanan gumaai-gaai! Ibok pabalaa' takau riso ondo' makakuasa'!” Niayuk poyo ngaangai' rangan moonsoi kuno maginaa ra karatuan kuno. Konilo, “Maaru' lair ra pamparuungan, makapangala takau riso, maa' raginio itakau makapansuli' riso.”

OBAJA 1:7

Pagun paguum namparuung ramuyun; pinagiru' nilo akau intor ra pagun min. Raino kinala kau ru ulun ondo' ragili nobonsoi ramuyun. Linandak kau ru ulun ondo' nangakan nababaya' ramuyun. Mindagu ilo intor ramuyun, ‘Ati kia ngaangai' kapintaran nilo raino?’

MIKA 7:5

Pai' no pangintopot ra sambalayan min kapoam rangan min. Ilalain ra mindagu, kabalu' pana ra andu' muno.

MATIUS 26:23

Taam i Jisus, “Ulun ondo' mompososop ra ruti' mabaya' Raki', ulun raginio noyo mampataak Raki'.

JUANIS 13:18

Sala' ka akau ngaangai' kon Kuli. Nakapandai Aku osoi pinili' Kuli. Kaa' ragu ru Buuk Kitab ragitio suguton noyo, ‘Ulun ondo' gumulung Raki' mangakan, tumula' io Raki'.’

SAGULION 32:15

“Ulun ru Tuhan nasauk ra langkaya', kaa' masaga' gumuor, maasug ilo ra akanon, am molomok ilo. Mangiruan ilo ri Aki Kapuuno', Namangun risilo, am nangimpai ra Mamamayag risilo ondo' mapanggol.