MAZMUR 40:7 - Tanou Moonsoi Timugon

⁷ Kalo masaga' Kou ra taak simbalui am niayuk taak; kalo makitaak Kou ra taak simbalui koson mapabansuk ra guang Muno, am taak simbalui koson mamuso ra tula. Kaa' nanaak Kou raki' ra talingo ondo' mokorongog ra ragu Muno.

MAZMUR 40:7 ပူးပေါင်းရင်းမြစ်များ

KASAUKAN 3:15

Okou am ruandu' raginio mansisang, papag nano am papag muno magail mantutula'. Papag nano mamabak ra ulu muno am okou maninduk ra tunob nilono.”

MAZMUR 50:9

Kalo masaga' aku ra sapi' gawayan intor ra umo mino, kapoam kambing ra tinambiag mino,

MAZMUR 51:18

Kalo masaga' Kou ra taak simbalui ra pinataak; amon mapataak aku ra taak simbalui koson mapabansuk ra guang Muno, Okou pana kalo maansukan.

AMSAL 21:3

Binaal ra moonsoi am matimpok mapabansuk ra guang ru Tuhan ka taak simbalui ra pataakon.

JISAYA 50:4

Tuhan Ondo' Masawat Kaga' mangila' raki' makimansunur, maa' raginio ragu kuno mapaikang ra ulun maagui. Moonong susuab patirongon No gogoton kuno koson mangkirongog ra pangilaan Nano koson raki'.

JISAYA 50:5

Tuhan mapaarati' raki'; kalo manggal aku kapoam mugar intor Riso.

LUKAS 24:27

Pambala' boo i Jisus risilo ra atan ondo' tinulisan intor Riso ralalom ru ngaangai' ru Buuk Kitab, tumalimpuun intor ra tayar ru kitab ri Musa am niayuk ngaangai' nabi.

LUKAS 24:44

Kopongo ragili indagu Io risilo, “Gitio noyo rinagu Kuli ramuyun paat ra Aku lakat ayuk poyo soroi ramuyun i; ra moonong baal ondo' tinulisan intor Raki' ralalom Ukum ri Musa, kitab ru Nabi-Nabi am kitab Mazmur, gitio musiti' ukopon.”

JUANIS 5:39

Gumogot kau mintutun ra Buuk Kitab sabap ra indos min koson raginio akau mokoowot ra kaayagan motopot am mantilayun. Sotopot no Buuk Kitab noyo mampaintutun Raki',

RINALATAN 10:43

Io ti noyo ondo' kon ru ngaangai' nabi, osoi ayuk mangintopot Riso, ampunon tula nano ralalom inggalan Nano.”

PINAINTALANG 19:10

Igulatur aku boo ra saang ru malaikat no am samba riso, kaa' indagu io, “Pai' aku sambaa'. Sambaa' noyo i Aki Kapuuno'. Sabap ra aku pana rangan mangngandoi muno, am ra ngaangai' pabukat muno ondo' gumagaya' ra kaintutunan intor ri Jisus.” Sabap ra katapatan ondo' pinakito ri Jisus mapaikang ra ulun mampabala' ra tanou intor ri Aki Kapuuno'.